Qazaqstan musylmandary dinı basqarmasy Atyraý oblysy boıynsha ókildigi oblysqa qarasty qudaıy as mázirin bekitti. Qala ımamdarynyń jınalysynda janaza jáne jerleý rásimderin birizdilikke túsirý maqsatynda úndeý qabyldandy.
Úndeýde jerleý rásimine qatysty jaıttar kórsetilgen. Sondaı-aq sadaqany «jaryssózge» aınaldyrmaý, janaza namazynan buryn qaraly mıtıng ótkizbeý, záýlim qabir turǵyzbaý sekildi máseleler bar.
– Qaraly úıde qazan qaınamasyn degen babalar sózi umyt bola bastady. Qaraly shańyraq as ázirleýge mindetti emes. Qımas adamyn joǵaltyp otyrǵan úıge aýyrtpalyq salmaýymyz kerek, – deıdi Atyraý oblysynyń bas ımamy Batyrjan Mansurov.
Imamdar usynǵan janaza namazynyń as mázirinde nan, baýyrsaq, jeti shelpek, qaımaq, tary, talqan, sary maı, órik, meıiz, qurma jáne kúrishten daıyndalatyn bir ystyq taǵam bar.
ATYRAÝ
