Konferensııa Elbasy kitaphanasy kóshpeli kórmesi aıasynda uıymdastyryldy. Oǵan Túrkııa, Germanııa, Kanada, Ońtústik afrıka, Kenııa, Ýganda, Fılıppın jáne Qazaqstannyń barlyq óńirlerinen ókilder qatysty.
Halyqaralyq ǵylymı-praktıkalyq konferensııanyń ashylýyna oblys ákimi Q.Kósherbaev, Elbasy kitaphanasynyń dırektory Á.Rahymjanov, otandyq jáne shet eldik JOO-nyń stýdentteri, magıstranttary, doktoranttary men ǵalymdary qatysty.
Bıyl Elbasy kitaphanasynyń 2015 jyldan bergi oqytý semınar-trenıngter jobasy jastarǵa arnalǵan «Bolashaqqa jol árqaısymyzdan bastalady» taqyrybyna arnalǵan dáristerden bastaldy.
«Búgingi halyqaralyq-praktıkalyq konferensııamyzdyń taqyrybynyń «Jastar saıasaty: bolashaq búginnen bastalady» atalýy da Elbasymyz belgilep bergen jastardy qoldaý boıynsha basymdyqtardy júzege asyrý joldaryn talqylaý men urpaqtan urpaqqa jalǵasatyn sabaqtastyqty qamtamasyz etý ekendigin osynda jınalǵan kózi ashyq, kókiregi oıaý azamattar, ásirese jastarymyz jaqsy túsinedi dep oılaımyn», - dedi Á.Rahymjanov.
Qyzylorda oblysy
