Bul sheshim - búgingi tańda mańyzdy ári qajetti. Biz ózgerisi qym-qýyt ári jyldam álemde ómir súrip jatyrmyz. Bul rette kez kelgen memlekettiń saıası júıeniń evolıýsııasy - zańdy prosess. Tranzıttik kezeń turaqtylyq pen qoǵamdyq kelisim kezeńine jalǵasady dep úmittenemin.
«Aldaǵy ýaqytta qalaı damımyz» degen saýaldar tolǵandyra bastady. Sondyqtan halyqtyń belsendiligin kórip otyrmyz. Prezıdenttiń qazaqtyń arasynan saıdyń tasyndaı bolyp iriktelip shyqqan azamattaryn Aqordaǵa shaqyrýy kóptiń kóńilinen shyqty. Kóńilge senim uıalatty. Onyń ústine, bılikti tapsyrýda tranzıttik róldi atqarǵan Qasym-Jomart Toqaev halyqqa etene jaqyn ekenin kórsetti. Endi jańa prezıdentimizdi tańdap alsaq, Qazaqstan qalypty damý prosesinen aınymaıdy dep oılaımyn.
Senat tóraǵasy bola júrip Tvıtterdegi paraqshasynda, sheteldik jáne otandyq medıaǵa bergen suxbattarynda únemi batyl pikir aıtty. Ádiletke jaq bolyp, áleýmettiń pikirine den qoıatynyn baıqadyq. Aldaǵy ýaqytta da aqıqat jaǵynda bolyp, Qazaq elin alǵa súıreıdi degen senimim kámil.
