«Atyraý Munaı jáne Gaz-2019» 18-shi Soltústik Kaspıı óńirlik kórmesiniń maqsaty - Atyraý oblysynyń ınvestısııalyq áleýeti týraly, naqty jobalarǵa jáne aımaqtyń ekonomıkasyna ınvestısııalar tartý týraly habardar etý.
Is-sharaǵa ortalyq jáne jergilikti memlekettik organdardyń, ulttyq kompanııalar men damý ınstıtýttarynyń, Qazaqstandaǵy dıplomatııalyq mıssııalardyń ókilderi, sheteldik jáne otandyq ınvestorlar shaqyryldy.
Oblys ákimi Nurlan Noǵaev quttyqtaý sózinde ótken jylmen salystyrǵanda qatysýshylardyń sany aıtarlyqtaı óskendigin sondaı-aq, kórmege álemniń 20 elinen munaı, gaz jáne qurylys salasynda 2000-nan astam sarapshy qatysqandyǵyn atap ótti.
- Bul kórme 18-shi ret ótkizilýde. Qatysýshylardyń sany artyp kele jatqan saıyn, kompanııalardyń geografııasy keńeıedi. Búginde elimizde qolaıly ınvestısııalyq ahýal qalyptasty. Bul úshin elimizde Elbasy Nursultan Ábishuly men Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha barlyq qajetti jaǵdaılar jasalýda. Osyǵan oraı búgingi kúni bizdiń oblysta 50-den astam eldiń 1000-nan astam ókilderi jumys isteıdi. Búgingi kúni barlyq qatysýshylar jańa seriktester men dostar tabatynyna senimdimin. Sáttilik tileımin, - dedi Atyraý oblysynyń ákimi Nurlan Noǵaev.
Kórmege 50-den astam sheteldik jáne qazaqstandyq kompanııa qatysyp jatyr, onyń 30-y reseılik, olar ónerkásiptik jáne munaı-gaz sektoryndaǵy barlyq jabdyqtarymen tanystyrdy.
«Atyraý Munaı jáne Gaz-2019» jyl saıynǵy kórmesi Qazaqstan Respýblıkasy Energetıka mınıstrligi, Atyraý oblysynyń ákimdigi, «QazMunaıGaz» UK AQ, KAZENERGY qaýymdastyǵy, «KazServıs» Qazaqstan servıstik kompanııalary odaǵy jáne Qazaqstan munaıshylar qoǵamy jáne geologtardyń qoldaýymen ótedi.
Atyraý
