«2019 jyldyń 2 sáýir kúni saǵat 19:40 shamasynda Túrkistan oblysy, Jetisaı aýdany, Jetisaı qalasy A.Qalybekov kóshesinde oınap júrgen balalar №57 turǵyn úıdiń syrtynda ornalasqan jeke úıdiń káriz júıesiniń shuńqyrynan kishkentaı búldirshinniń qulap túskenin baıqap qalǵan. Artynsha júgirip kelgen balalarǵa qudyqtyń ishindegi 1 metrden asa las sýdan kishkentaı búldirshin kórinbegen. Osy mezette 2008 jyly týǵan 5-synyp oqýshysy Beknazar Meırambek esh oılanbastan, dereý qudyqtyń ishine túsedi. Las sý moıyn tusyna kelgenine qaramastan, sýǵa tunshyǵyp jatqan 2017 jyly týǵan 2 jasar Baqytbek Sabyrjandy kóterip alyp, shuńqyrdan shyǵarǵan», – dedi departament bastyǵy.
Jas búldirshin S.Baqytbek aýrýhanaǵa jetkizilgen. Qazirgi tańda onyń densaýlyǵy birqalypty, em qabyldaýda. Osylaısha 11 jasar Beknazar Meırambek óziniń batyldyǵyn, qaısarlyǵyn kórsetip, jas búldirshinniń ómirin saqtap, óz isimen erlik kórsetti.
Ol Jetisaı qalasyndaǵy №2 Shoqan Ýálıhanov mektebinde 5 - synyp oqıdy.
