Qoǵam • 10 Sáýir, 2019

Pedıatrııa ortalyǵynyń mamandary kúrdeli ota jasady

739 ret kórsetildi

Pedıatrııa jáne balalar hırýrgııasy ǵylymı ortalyǵynyń mamandary týa bitti isikti alý boıynsha jańa týǵan nárestege kúrdeli ota jasady. Bul týraly «Pedıatrııa jáne balalar hırýrgııasy ǵylymı ortalyǵy» baspasóz qyzmeti habarlady.

Segizkóz-quıymshaq teratomasynyń alyp isigi jatyr ishinde 19 aptalyq kezde anyqtalǵan. Sondyqtan, sábı dúnıege kele salysymyn perzenthanadan Pedıatrııa jáne balalar hırýrgııasy ǵylymı ortalyǵyna jetkizildi. 

 3818 gr. salmaqtaǵy jańa týǵan nárestege hırýrgııalyq ota, týǵan ýaqytynan keıin 3 kúni jasaldy. Oǵan deıin sábıdiń densaýlyǵyna baılanysty arnaıy emdik-daıyndyq qajet etildi. Kúrdeli ota  3 saǵatqa jalǵasty. Sátti ótti. Otany Pedıatrııa ortalyǵynyń bilikti dárigeri,    hırýrg-neonatolog Lıtosh Vladımırdiń jetekshiligimen ózi isiniń bilgir mamandarynan quralǵan komanda jasady.

Kishkentaı pasıent otadan keıingi 3 kúni reanımasııa bóliminen neonatologııa bólimine palataǵa anasynyń janyna aýystyryldy.            

Bul jaǵdaıdyń kúrdeliligi kólemi úlken isiktiń jatyr ishinde qarqyndy ósip, bosandyryp alý jáne isiktiń ózin alyp tastaý kezinde qıyndyqtar týdyrýynda boldy. Sondaı-aq isikte teriniń erozııaǵa ushyraǵan jerleri de bolyp, tik ishekti qysyp jáne qan tamyrlarynan qannyń joǵary deńgeıde júrýine baılanysty belsendi soǵýy qannyń kóp ketý táýekelin týǵyzdy. Isiktiń jalpy salmaǵy 1028 gr. qurady.

Qazirgi ýaqytta náresteniń jaǵdaıy turaqty, anasymen birge palatada. Sábıdiń tezirek saýyǵyp ketýin tileımiz!

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar