«Memlekettiń búgingi basshysy Qasym-Jomart Toqaevtyń Jarlyǵymen ústimizdegi jyldyń 9 maýsymynda kezekten tys prezıdent saılaýy ótedi. Qasym-Jomart Kemelulynyń bul sheshimi, ıaǵnı prezıdent saılaýynyń ótýi elemizdegi demokratııa men tynysh, berekeli ómirdiń kepili bolady. Prezıdentti halyq saılaıdy, halyq tańdaıdy. Sondyqtan saılaýǵa barlyq turǵyndar bir kisideı qatysýy tıis» dedi Dınara О́tebaeva.
Qazaqstan Táýelsizdigin alǵannan keıin Qazaqstanda azamattyq qoǵam belsendiligi arta tústi. Úkimettik emes sektor jetekshileri túrli qoǵamdyq keńesterge, májilisterge shaqyryla bastady. Úkimettik emes uıymdar osylaı turǵyndar oılandyratyn áleýmettik máselelerdiń sheshimin tabýyna óz úlesin qosatyn deńgeıge jetti. Olar ózderi de áleýmettik jobalardy júzege asyra bastady.
Qazir olar ózderin memleket pen halyqtyń arasyndaǵy kópir sezinedi. Osy basqosýda da elimizde ótetin bul saılaý jóninde óz pikirlerin aıtty.
«Bizdiń azamattyq qoǵam belsendileri qoǵamdy biriktirý, ıgi iske jumyldyrý basty maqsatymyz ekenin túsinemiz. Sol úshin 9 maýsymda elimizde ótetin kezekten tys saılaýǵa turǵyndardyń barlyǵy kelip óz daýysyn berip, tańdaýyn jasaýy tıis. Ondaı belsendilik bizdiń elimizdiń, balalarymyzdyń bolashaǵy úshin kerek ekenin túsinýi tıis. Aıtpaqshy, qazir saılaýda demokratııa bolmaıdy, bári aldyn ala daıyndalǵan degen sııaqty ushqary áńgimeler aıtatyndar bar. Olar qatelesedi, sondaı adamdar aldymen kelip, daýysyn bersin, belsendilik kórsetsin, sonda álgindeı kerjaq pikirlerden de qoǵam ada bolady» deıdi «Densaýlyqqa jol» qoǵamdyq uıymynyń atqarýshy dırektory Lázzat Tomılovskaıa.
