Onyń bul málimdemesi dál óz ýaqytynda jasalǵan oryndy sheshim boldy. Sebebi tranzıttik bıliktiń bir jarym jylǵa sozylýy múmkin emes. Onyń saldary qıyn jaǵdaılarǵa ákeledi. Sondyqtan kezekten tys saılaý ótkizý týraly sheshim óte mańyzdy.
Qazirgi elimizdegi jaǵdaıdy syrttan baqylap otyrǵan kórshiles elder kóp. Qazaqstanda budan ári qandaı saıasat oryn alar eken, áleýmettik-ekonomıkalyq turaqtylyq saqtala ma degen syndy oılar olardy beı-jaı qaldyrmaıdy. Osyndaı sátte naqty zańnama júzinde ashyq túrde Prezıdent saılaýyn kezekten tys ótkizý óte qajetti is. Prezıdent kóptegen eldermen ekijaqty sharttar men kelissózder júrgizedi. Sol sekildi ishki məselelerde de tikeleı Prezıdenttiń sheshimin kútetin mańyzdy məseleler kóp. Osynyń bərin sheshýde ýaqytsha tulǵaǵa degen senim berik bolmaıdy. Sondyqtan ol halyq mandatyn tolyq alýy kerek. Ol úshin, ərıne, jalpyhalyqtyq saılaýda kópshilik daýyspen jeńip shyqqany durys. Saılaýda jeńgen Prezıdenttiń ókildigi tolyqqandy bolady. Prezıdent Qasym-Jomart Toqaev atap ótkendeı, saılaý taza, ashyq əri ədil ótedi. Nətıjesinde Prezıdent halyqtyń senimdi mandatyna ıe bolady.
Gúlmıra ISIMBAEVA,
Parlament Májilisi Tóraǵasynyń orynbasary
