Ol keltirgen derekterge qaraǵanda byltyr dárigerge qaralǵan ár myń balanyń 36,6 prosenti kóz aýrýyna shaldyqsa, 13,8 prosentinde júıke-psıhıkalyq derti kezdesken. Al, 12,9 prosentiniń omyrtqa jotasynyń qısaıǵany, 8,2 prosentinde asqazan-ishek joly aýrýlary baıqalǵan.
Baıandamashy onyń sebepterin de tarqatyp berdi.Keı mektepterde káriz júıesi, sý máseleleri túbegeıli sheshilmegen. Oqýshylardyń jasy men boıyna sáıkes keletin jıhazben tolyq qamtylmaǵan. О́ńirdegi 480 mekteptiń jartysy ǵana ortalyqtandyrylǵan sý júıesine qosylǵan. 209 bilim ordasyna aýyz sý tasyp jetkiziledi. 84 mektepte dárethana dalada ornalasqan. Sport zaldary M.Jumabaev aýdanynyń 6 mektebinde, Taıynsha aýdanynyń 8 mektebinde joq. Sport quraldary kópten beri jańalanbaǵan.
Departament basshysy adam tańqalarlyq faktilerdi de mysalǵa keltirdi. Atap aıtqanda, sanıtarlyq-gıgıenalyq tazalyqtyń tómendiginen jáne qoǵamdyq monshalardyń jetimsizdiginen pedıkýlezdiń azaımaı otyrǵany alańdatady. Al týberkýlezdi juqtyrýǵandardyń sany 4,5 prosentke azaıǵanyna qaramastan respýblıka boıynsha aldyńǵy orynda tur. Medısınalyq qyzmet sapasynyń tómendigine baılanysty joldanatyn aryz-shaǵymdar azaıar emes
Sondaı-aq aýyl oqýshylaryn ystyq tamaqpen, sapaly tirshilik nárimen qamtamasyz etýde de túıtkildi máseleler jetip artylady.
