AT-akademııasy jumysynyń bastalǵandyǵyna rızashylyǵyn bildirgen Muhambetqalı Búrkitbaev tarıhy tereńge tartqan qazaqstandyq ýnıversıtettiń oqytý-ǵylymı kesheninde sıfrlik tehnologııalar salasyndaǵy álemdik kóshbasshynyń ozyq bastap otyrǵandyǵyn, AT-akademııa baǵdarlamasyna qatysý arqyly ýnıversıtet osy saladaǵy kásipqoılarǵa, bolashaq stýdentterge jáne akademııalyq ekojúıege múddeli basqa da taraptarǵa Microsoft-tyń eń sońǵy tehnologııalary boıynsha joǵary sapaly bilim berip, osy salada moıyndalǵan ýnıversıtetke aınalýǵa múmkindik alatyndyǵyn atap ótti.
Anke den Aýdenniń aıtýynsha, joǵarǵy bilim tehnologııalarǵa negizdelgen ekonomıkanyń damý betalystaryn eskerip, stýdentterdiń bolashaǵy úshin jańa múmkindikterdi qurý úshin jaǵdaı jasaýy tıis. Bul ınvestısııalar jas mamandarǵa basqasha qyrynan oılap, kúrdeli áleýmettik máselelerdi tıimdi sheshýge arnalǵan daǵdylardy damytýǵa kómektespek. Microsoft Imagine Academy – bul qazaqstandyq stýdentterge tehnologııalar jalpy qalaı ómir sapasyn kótere alatyndyǵy jaıly óz zamanaýı kózqarasyn bildirip, ınnovasııalyq mashınalardy, materıaldar men júıelerdi jasaý isinde olarǵa qoldaý kórsetedi.
Microsoft AT-akademııasy – stýdentter men oqytýshylardy Microsoft tehnologııalaryna oqytýǵa arnalǵan alań. Akademııa ashylǵan sátten bastap, stýdenterge Microsoft ónimderimen jáne tehnologııalarmen jumys jasaý daǵdylaryn úıretý jáne ary qaraı sertıfıkattaýdan ótýge jaǵdaı jasaý maqsatynda Aqparattyq tehnologııalar jáne Mehanıka-matematıka fakýltetterindegi mamandyqtardy oqytý kýrstary qaıta qarastyrylady.
