О́tken jyly týrızm salasy boıynsha jalpy quny 491 mln. teńgeni quraıtyn 4 nysan iske qosylǵan. Jańadan 80 jumys orny ashylǵan. Bıyl jalpy quny 280 mln. teńge bolatyn 5 nysan iske qosylyp, 110 jańa jumys orny ashylmaq. Túrkistan oblysy О́ńirlik kommýnıkasııalar qyzmetinde ótken brıfıngte Saryaǵash aýdanynyń ákimi Qaırat Ábdýálıev bıyl aýyl sharýashylyǵyndaǵy óndirilgen ónim kólemin 59 mlrd. teńgege jetkizý mejelenip otyrǵanyn málimdedi. 88,8 shaqyrym bolatyn 12 nysandy jóndeýden ótkizip, qaıta aınalymǵa qosylatyn sýarmaly jer kólemi 924 gektarǵa jetkizilmek. Sondaı-aq 56 áleýmettik nysannyń qurylysyn júrgizý josparlanýda. «Indýstrıaldy ınnovasııalyq damý» baǵdarlamasy sheńberinde jalpy quny 450 mln teńgeni quraıtyn 1 ınvestısııalyq joba kásipkerlik qoldaý kartasyna engizildi. Jobany iske 2019 jyly asyrý josparlanýda. Sondaı-aq, quny 220 mln. teńge bolatyn "makaron ónimderin óndirý sehyn qurý" jobasy bıyl iske asyrylady. Jańadan 25 adam jumyspen qamtylady», – dedi aýdan ákimi. Sonymen qatar, aýdanǵa bıyl 23 mlrd. teńgeniń ınvestısııasyn tartý mejelenýde.
