Saılaý • 11 Sáýir, 2019

Baqtııar Máken: Senim qalyptastyratyn saılaý

768 ret kórsetildi

Májilis depýtaty,«Bolashaq» qaýymdastyǵy Keńesiniń Tóraǵasy Baqtııar Máken kezekten tys saılaýǵa qatysty pikir bildirdi. Depýtat óz sózinde Prezıdenttik saılaýdy kezekten tys ótkizýdiń mańyzyna toqtaldy.

«9 sáýir kúni Memleket Basshysy Qasym-Jomart Toqaev Qazaqstan halqyna Úndeýinde Qazaqstan Respýblıkasy Prezıdentiniń kezekten tys saılaýyn ótkizý týraly jarııalady. Saılaý 2019 jyldyń 9 maýsymyna josparlanǵan. Bul sheshim memleketimiz úshin qazirgi ýaqytta óte mańyzdy. Biz, Qazaqstan halqy, bul saılaýdyń elimizdiń senimmen alǵa jyljýyna kómektesetinin túsinýimiz kerek. Qasym-Jomart Toqaev ekonomıkany damytý jáne syrtqy seriktestermen qatynastardy nyǵaıtý úshin saılaýdy alǵa jyljytý qajettiligin atap ótti. Kezekten tys saılaý ótkizý Qazaqstannyń damýyna, ósýine jáne qazirgi ýaqyttaǵy respýblıkamyzdyń saıası jaǵdaıǵa beıimdelýine arnalǵan. Bul sheshim memleketimiz úshin tıimdi», dedi B.Máken. 

Sondaı-aq ishki jáne syrtqy saıasatta sabaqtasty qalyptastyrý úshin saılaýdyń alar orny zor ekenin atap ótti.

«Jahandyq úderisterge qatysý úshin elde ishki turaqtylyq qajet. Elimizdiń árbir azamaty óz daýysyn berip, respýblıkamyzdyń qandaı baǵytta damıtynyn anyqtaýǵa óz septigin tıgizý óte mańyzdy. Halyq saılaǵan Prezıdent el damýynyń baǵytyn anyqtap ǵana qoımaı, elimizdi halyqaralyq arenada tanystyrady. Memleket basshysy Qasym-Jomart Toqaev atap ótkendeı, álemdegi jaǵdaı kúrt ózgeredi. Ári halqymyz úshin munyń áseri mol. Biz ishki jáne syrtqy saıasatymyzdyń sabaqtastyǵyn, boljamdylyǵyn jáne turaqtylyǵyn nyǵaıtýymyz kerek. Áleýmettik baǵdarlamalardy jáne Elbasynyń strategııasyn tıimdi, tabysty iske asyrý boıynsha jumystardy jalǵastyrýymyz qajet», dedi Májilis depýtaty.

Sondaı-aq B.Máken qazir Qazaqstan halqy úshin óte taǵdyrsheshti sát ekenin atap ótip, 9 maýsymda saılaýǵa belsendi qatysýǵa shaqyrdy. 

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar