Búginde aǵaıyndy Kúlmenovterdiń qolynan shyqqan óner buıymdary elimiz ǵana emes, kóptegen shetelderge belgili. Kúlmenovterdiń shyǵarmashylyǵy týraly Fransııa, AQSh, Germanııa, Vengrııa, Týnıs, Túrkııa, Polsha sııaqty elderdiń jýrnalısteri kóptegen ǵylymı-derekti fılmder túsirgen.
Tómende temirshi-sheberlerdiń shyǵarmashylyq jetistikteri usynylyp otyr:
Aǵaıyndy Mahmut, Tursynjan, Aıtbergen Kúlmenovter Qazaqstan Dızaınerler Odaǵynyń músheleri, QR qazirgi zamanǵy qarý óneriniń negizin qalaýshylary, XII Dúnıejúzilik jastar jáne stýdentter festıvaliniń laýreattary (Máskeý q., 1985 j.), «Dızaın keshe, búgin, erteń» respýblıkalyq konkýrsynyń I dárejeli dıplomanttary (Almaty, 1999 j.).
Olardyń jumystary QR Mádenıet jáne Aqparat mınıstrliginiń memlekettik baǵdarlamasynyń tapsyrysymen 2006 jyly «О́ner» baspasy shyqqan «Temirshi — Kýznesy» albomyna engen.
Bul kórmege temirshilerdiń jeke kolleksııasynan alynǵan 80-nen astam jumystary qoıylǵan.
Kúlmenovter shyǵarmashylyqpen ǵana emes, ǵylymı jumyspen de aınalysady. Olardyń jetekshiligimen «Kók bóri» respýblıkalyq ǵylymı-zertteý jáne qolóner sheberhanasy qurylyp, onda stýdentterdiń sándik-qoldanbaly óner buıymdaryn daıyndaýdyń jáne metaldy óńdeýdiń ejelgi tehnologııalaryn jańǵyrtý ádistemesin zertteýine múmkindikter bar.
Aǵaıyndylar «EKSPO-2017 – etnoaýyl», «Qazaq handyǵynyń 550 jyldyǵy», «Almaty kúni – 2015» memlekettik, ǵylymı, tarıhı-etnografııalyq jobalardy iske asyrýǵa belsendi qatysty. 40 jyldyq ǵylymı-zertteý jáne praktıkalyq jumystary úshin, aǵaıyndy ustalar QR Mádenıet jáne Aqparat Mınıstrliginiń «Mádenıet qaıratkeri» belgisimen marapattalǵan (2007 j.). Sondaı-aq, olarǵa «Túrki álemine sińirgen eńbegi úshin» halyqaralyq ataǵy berildi (Túrkııa, 2008 j.).
2000 jyly Kúlmenovterdiń eskızi boıynsha QR Mádenıet jáne óner qaıratkerlerine tapsyrylatyn «Almas qylysh» nagradasy quıylyp jasaldy. Maǵjan Jumabaevtyń «Batyr Baıan» poemasynyń jelisimen 1993 jyly túsirilgen kórkem fılmge arnap qarý-jaraq pen sándik-qoldanbaly óner buıymdaryn jasaǵan.
«Otyrar sazy», «Murager», «Sazgen», «Adyrna» folklorlyq orkestrleri úshin, «Batyr Isataı Taımanuly», «Eset batyr», «Raıymbek batyr», «Qobylandy batyr» mýzeıleri úshin, sondaı-aq elimizdiń kóptegen oblystyq, ólketaný mýzeıleri úshin kóptegen buıymdar jasaǵan.
Aǵaıyndy Kúlmenovterdiń qolóner jumystary respýblıkamyzdyń 16 oblysynyń mýzeılerinde jáne sheteldik jeke kolleksııalarda saqtalǵan.
