Jurt tilegimen úndesken sheshimniń nátıjesi oń bolady

– Elbasy – Qazaqstan Respýblıkasynyń Tuńǵysh Prezıdenti Konstıtýsııamyzǵa saı el tizginin Qasym-Jomart Toqaevqa bergeni barshamyzǵa belgili. Qazaq halqy ár ýaqytta da tabandylyǵymen, baıyptylyǵymen, sheshim qabyldaýdaǵy kóregendiligimen bul tarıhı oqıǵany durys qabyldaı bilgen bolatyn. Memleket basshysy elimiz­diń ishki-syrtqy saıası turaqtylyǵyn saq­­taý maqsatynda merziminen buryn pre­zı­­dent­tik saılaý ótetinin málimdedi. Bul málim­deme elimizdegi barlyq saıası bılik tar­maq­tarynyń ýaǵdalastyǵymen, kelisýimen jasal­dy. «Kelisip pishken ton kelte bolmas» degen bar. Prezıdent halyqtyń qol­daýyn alýǵa tıis, halyq saılaǵan Prezı­dent halyq atynan sóıleı alady. Son­dyq­tan bul sheshimdi Qazaqstan azamaty retinde, elimniń patrıoty retinde men sanaly túrde qabyldadym jáne qosh kór­dim. Prezıdent aıtqandaı, al­da­ǵy saılaý ádil, ashyq, aıqyn ótetinine sene­min jáne atsalysamyn. Bul saılaýdyń qory­tyn­dysy bizdi saıası deńgeıde de, uıym­das­tyrý­shylyq deńgeıde de jańa bir kezeń­ge kóteredi jáne Qazaqstannyń saıası sah­nasyna jańa kúshterdiń kelýine jol ashady dep oılaımyn. Qazaqstannyń áleý­met­tik-ekonomıkalyq, saıası, mádenı, bar­lyq jaǵynyń damýynda jańa bir kezeńi bastalady dep úmittenemin», deıdi «Azamat daýysy» jeke menshik mekemesiniń dırektory Ǵalııa Jalǵasbaı. 

Al «Munaıly aýdandyq Azamattyq bastama» birlestiginiń tóraıymy Raıhan Dáribaeva kezekten tys prezıdenttik saılaý ótkizý týraly Úndeýdi qoldaıtyndyǵyn aıtyp, «óıtkeni bul saılaý elimizdegi turaqtylyq pen tatýlyqtyń kepili bolady dep bilemin. El tizginin qolǵa alatyn tulǵany daýys berý arqyly halyqtyń saılaǵany durys. Kezekten tys ótetin bul saılaý elimizdiń ósip-órkendeýine jańa serpin ákeledi degen úmit bar», dedi. 

– Tikeleı efır arqyly Memleket basshysy Qasym-Jomart Toqaev maýsym aıynda kezekten tys Qazaqstan Respýblıkasy Prezıdentiniń saılaýy ótetinin málimdedi. Bul bastamany tolyq quptaımyn. Prezı­dent­ti saılap alsaq, aldaǵy ýaqyt­ta saıa­sı turaqtylyqty odan ári qamta­masyz etýge bolady. Jalpy, 2019 jyl barsha qazaqstandyqtar úshin saıası ózgeristerge toly jyl bolǵaly tur. Kezekten tys saılaý biz úshin kútpegen oqıǵa bolǵanymen, bereri kóp dep oılaımyn. Búginde elimizde saıası turaqtylyq bar, ultaralyq tatýlyqtyń úlgisin basqa elder bizden alsyn deımin. Sondaı-aq Elbasynyń «Rýhanı jańǵyrý», «100 naqty qadam» baǵdarlamalary arqy­ly elde kóptegen ońdy ózgeris oryn aldy. Búginde áleýmettik qoldaý sharalaryn kúsheıtý arqyly elimizdiń odan ári damýyna jol ashyldy. Aldaǵy saılaýda halyq saılaıtyn Qazaqstannyń kezekti Prezıdenti úshin el basqarý qıynǵa soqpaıdy dep oılaımyn. О́ıtkeni Tuńǵysh Prezıdenti­miz Qazaqstandy damytýdyń dara jolyn kórsetip ketti, dep qorytty basqosýdy «Eko Mańǵystaý» úkimettik emes uıymynyń jetekshisi Kırıll Osın. 

Úkimettik emes uıymdar jetekshileri kezek­ten tys prezıdenttik saılaýǵa atsaly­syp, mem­leketimizdiń bilikti basshysyn tań­daýǵa óz úlesterin qosatyndyǵyn jetkizdi.