«Temir jol stansııasynyń úzdik bastyǵy» qurmetti ataǵyna Kompanııanyń 30 qyzmetkeri laıyq dep tanyldy. Olardyń arasynda Aqmola jol bólimshesi Atbasar stansııasynyń bastyǵy Serik Qaınıdenov, Qostanaı jol bólimshesi Maılın stansııasynyń bastyǵy Serik Shúıinov, Balqash stansııasy Amanjol Omarov, Zyrıanovsk stansııasy Jaras Muhmeduly, Semeı jol bólimshesi Shaǵan stansııasynyń bastyǵy Aıdos Toqtarov, Qyzylorda jol bólimshesi Belkól stansııasynyń bastyǵy Maqsat Júsip jáne ózgeleri.
Marapattalǵandardyń arasynda áıelder – Krasnoarmeıka stansııasynyń bastyǵy Janna Súleımenova men Tıshınskaıa stansııasynyń bastyǵy Olesıa Nıkolaeva da bar. Olar ózderiniń ońaı emes mindetterin múltiksiz oryndap keledi jáne kásibılik jaǵynan keıbireýlerge úlgi de.
Olesıa Nıkolaeva laýazymdyq satynyń barlyq deńgeıinen ótti. О́ziniń shoıyn joldaǵy jumysyn ol Tıshınskaıa vokzalynda júkter men qoljúkterin qabyldap ótkizýshi, taýar kassıri jáne aǵa taýar kassıri qyzmetinen bastady. Temir jolda jumys istep kele jatqanyna 10 jyl bolypty.
Janna Súleımenova óziniń jumys jolyn stansııa boıynsha kezekshilikten bastady. Stansııany tórtinshi jyl basqaryp keledi.
Stansııa bastyǵy jyly sheńberinde «QTJ – Júk tasymaly» AQ jarııalaǵan salalyq baıqaý 800 astam qatysýshy arasynda júrgizildi.
«Baıqaý qaýipsizdik mádenıetin damytý, eńbek pen tehnologııalyq tártipti nyǵaıtý, stansııa basshylarynyń kásibıligi men jaýapkershiligin, statýsyn arttyrý maqsatynda ótkizilip otyr», dep atap kórsetti «QTJ-Júk tasymaly» AQ bas ınjeneri Ivan Kostyrıa.
«Temir jol stansııasynyń úzdik bastyǵy» ataǵy qarjylyq jáne kadrlyq jumysty, óndiristik-sharýashylyqtyń joǵary nátıjeligine qol jetkizgeni, tasymaldanatyn júkterdiń saqtalýyna, eńbekti qorǵaý jáne qozǵalys qaýipsizdigin qamtamasyz etkeni úshin beriledi.
