2019 jylǵy qańtar-naýryzda negizgi kapıtalǵa salynǵan ınvestısııalar kólemi 2126,3 mlrd. teńgeni qurady, bul 2018 jylǵy qańtar-naýryzǵa qaraǵanda 7% artyq.
2019 jylǵy qańtar-naýryzda ónerkásip óndirisiniń kólemi qoldanystaǵy baǵalarda 6845 mlrd. teńgeni qurdy, bul 2018 jylǵy qańtar-naýryzǵa qaraǵanda 3,2% artyq. Ken óndirý ónerkásibinde jáne karerlerdi qazýda óndiris kólemi – 4,8%, óńdeý ónerkásibinde óndiris – 1,6%, sýmen jabdyqtaýda, káriz júıesi, qaldyqtardy jınaý jáne bólýdi baqylaýda - 14,9% artty. Elektrmen jabdyqtaý, gaz, bý berý jáne aýa baptaýda 1% tómendedi.
2019 jylǵy qańtar-naýryzda aýyl, orman jáne balyq sharýashylyǵy jalpy óniminiń (qyzmeti) kólemi 439,7 mlrd. teńgeni qurap, 2018 jylǵy qańtar-naýryzǵa qaraǵanda 3,6% artyq.
2019 jylǵy qańtar-naýryzda qurylys jumystarynyń (qyzmetteriniń) kólemi 403,7 mlrd. teńgeni qurady, bul 2018 jylǵy qańtar-naýryzǵa qaraǵanda 8,9% artyq.
2019 jylǵy qańtar-naýryzda «Kólik» salasy boıynsha naqty kólem ındeksi 104,4%-dy qurady.
2019 jylǵy qańtar-naýryzda júk aınalymynyń kólemi 139,4 mlrd. tkm (kommersııalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) qurap, 2018 jylǵy qańtar-naýryzben salystyrǵanda 2,1% artty. Jolaýshylar aınalymynyń kólemi 68,2 mlrd. jkm qurap, 4% artty.
2019 jylǵy qańtar-naýryzda «Baılanys» salasy boıynsha naqty kólem ındeksi 100,2% qurady.
2019 jylǵy qańtar-naýryzda «Saýda» salasy boıynsha naqty kólem ındeksi 107,2%-dy qurady.
2019 jylǵy qańtar-naýryzda bólshek saýda kólemi 2216,6 mlrd. teńgeni nemese 2018 jyldyń tıisti kezeń deńgeıimen salystyrǵanda 104,8% qurady (salystyrmaly baǵada).
2019 jylǵy qańtar-naýryzda kóterme saýda kólemi 4719,4 mlrd. teńgeni nemese 2018 jyldyń tıisti kezeń deńgeıimen salystyrǵanda 108,2% qurady (salystyrmaly baǵada).
2019 jylǵy qańtar-aqpanda syrtqy saýda aınalymy 14340,2 mln. AQSh dollaryn qurap, 2018 jylǵy qańtar-aqpanmen salystyrǵanda 7,5% artty, sonyń ishinde eksport – 9885,1 mln. AQSh dollaryn (11,1% kóp), ımport – 4455,1 mln. AQSh dollaryn qurady (0,3% kóp).
2019 jylǵy 1 sáýirdegi jaǵdaı boıynsha tirkelgen zańdy tulǵalardyń sany 436328 birlikti qurap, ótken jylǵy sáıkes kezeńmen salystyrǵanda 3,8% artty, onyń ishinde 100 adamnan kem qyzmetkerleri bar – 427399 birlik. Jumys istep turǵan zańdy tulǵalardyń sany 288349 qurady, onyń ishinde 279863 birlik shaǵyn kásiporyndar (100 adamnan kem).
Tutyný baǵasynyń ındeksi 2019 jylǵy naýryzda 2018 jylǵy jeltoqsanmen salystyrǵanda 101,3%-dy qurady. Azyq-túlik taýarlarǵa baǵalar – 3,8%, azyq-túlik emes taýarlarǵa - 0,9%-ǵa ósti, al halyqqa arnalǵan aqyly kórsetiletin qyzmetterge 1,4%-ǵa tómendedi. О́nerkásip ónimderine óndirýshi kásiporyndar baǵasy 2019 jylǵy naýryzda 2018 jylǵy jeltoqsanmen salystyrǵanda 1,4% joǵarylady.
Áleýmettik sektor
2019 jylǵy aqpanda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 97584 teńgeni qurady, bul 2018 jylǵy aqpanǵa qaraǵanda 13,7% joǵary, naqty aqshalaı tabys kórsetilgen kezeńde 8,5%-ke (aldyn ala derekter) artty.
2019 jylǵy naýryzda bir qyzmetkerdiń ortasha aılyq ataýly jalaqysy baǵalaý boıynsha 172066 teńgeni qurady.
2019 jylǵy naýryzda jumyssyzdar sany baǵalaý boıynsha 441,2 myń adamdy qurady. Jumyssyzdyq deńgeıi jumys kúshi sanyna 4,8% qurady. Jumyspen qamtý organdarynda jumyssyzdar retinde tirkelgender sany 2019 jylǵy naýryzdyń sońyna 143,5 myń adamdy qurady nemese jumys kúshine 1,6%.
