Atalmysh jarys Qarýly Kúshterdiń Bas shtab bastyǵynyń bastamasymen uıymdastyrylyp, áskerlerdiń jaýyngerlik daıarlyq deńgeıin anyqtaýǵa baǵyttaldy. Jarysta 25744 áskerı bóliminiń teńiz jaıaý áskeri batalonynyń basqa, motoatqysh, desanttyq-shabýyldaý, shabýyldaý batalondary baq synady.
Áskerı bólim komandıriniń jaýyngerlik daıarlyq jónindegi orynbasary gvardııa podpolkovnıgi Tımýr Sýlaımanovtyń aıtýy boıynsha, bul nátıje keshendik daıarlyqtyń arqasynda, onyń ishinde - jeke quramnyń sapaly úılestirilýinde, komandırlerdiń sapaly jumys jasaýynda jáne jeke quramnyń joǵary jaýapkershiligi arqasynda qol jetkizildi. Batalon quramynyń basym bóligin merzimdi qyzmettegi sarbazdar qurady.
Jarystyń basty maqsaty Qurlyq áskerlerinde jalpyáskerı jáne desanttyq bólimsheler arasynda oq atý mashyqtyǵyn arttyrý, shtattyq qarý men qarý-jaraqtan oq atýlardyń jattyǵýlaryn (tapsyrmalaryn) oryndaý boıynsha úzdikterdi anyqtaý, tapsyrylǵan qarý-jaraq pen áskerı tehnıkany sheber meńgerýge jaýapkershilik sezimderin oıatý boldy.
Bıylǵy kórsetkishter ótken jyldyń saıys nátıjeleri Qurlyq áskerleri bólimsheleriniń atys mashyǵynyń, dál kózdeý men dál oq atýda áskerı qyzmetshilerdiń daǵdylarynyń deńgeıi anaǵurlym joǵarlaǵanyn rastaıtynyn aıta ketý qajet.
