«100 jańa esim» jeńimpazdary oılaryn ortaǵa saldy

Is-sharaǵa QHA-nyń «Jańǵyrý joly» respýblıkalyq jastar qozǵa­lysynyń músheleri, «Qazaqstannyń 100 jańa esimi» jobasynyń jeńimpazdary, EMB jastar qanattarynyń kósh­bas­shylary, belgili blogerler, jas­tardyń ataýly toptary qatysty. Al­ǵashqy sóz kezegi Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaevqa berildi. Ol óziniń sózinde saıası óz­geristerdiń qısyny talap etip otyr­ǵan 9 maýsym kúni ótetin kezek­ten tys prezıdenttik saılaýdyń mańyz­dylyǵyna toqtalyp, onyń qoǵam­dyq kelisim men jalpyulttyq bir­likti nyǵaıtýǵa yqpal etetine senim bildirdi. Sonymen birge Elbasynyń Jastar jylyn ashý kezinde Úkimetke naqty tapsyrmalar bergenin jáne qa­zaqstandyq jastarǵa yqylasty sóz­derin arnaǵanyn eske saldy. «Bul tapsyrmalarda jastar úshin qoljetimdi jáne sapaly bilim, jumys, baspana jáne otbasyn qurý múmkindigi bolýy­na basymdyq berilgen», dedi ol. Al Assambleıa týraly aıtqanda bıyl uıym óz qorjynyn jańa jobalarmen to­lyqtyryp otyr­ǵanyn jáne olardyń árqaısysyn batyl túrde «áleýmettik lıft» retinde aı­­qyndaýǵa bolatynyn jetkizdi. Odan ári J.Túımebaev «PRodvıgaı se­bıa» trenıngine qaty­sýshylarǵa «Qa­zaqstannyń 100 ja­ńa esimi» jobasyn bastaǵan kezde Memleket basshysy onyń asa zor ta­bystarǵa qol jet­kizgen óńirlerden, túrli etnos­tar­dan shyqqan ár jastaǵy naqty adamdardyń tarıhy ekenine nazar aýdarǵanyn atap kórsetti. «Jas­tarymyz selfbrendıngtiń ja­ńa daǵ­dylaryn ıgerip, óz ıdeıalary men jobalaryn ilgeriletýdiń pár­mendi ádisterin úırene alatynyna senim­di­min», dedi ol.

Trenıngte tanymal tulǵalar, «Qa­zaqstannyń 100 jańa esimi» jobasynyń jeńimpazdary sóz sóıledi. Sonyń ishinde «Rodına» aýyldyq okrýginiń ákimi Bella Gazdıeva aýyl jastaryn qol­daý jáne damytý jóninde kóp ju­­­mys atqarylyp jatqanyn aıtty. Ol jınalǵandarǵa jastar saıa­sa­­­tynyń perspektıvasyn ózi qalaı eles­tetetinine toqtaldy. «Pıfagor» mek­­tebiniń negizin qalaýshy Asan Jol­dasov óz brendin Qazaqstanǵa qalaı tanymal etkeni týraly baıandap, óziniń osy baǵytta jınaqtaǵan tájirıbesimen bólisti.

Jeke bıznesin taqyr jerden bas­tap, úlken jetistikterge jetken adamdardyń biri – Larıon Lıan. Qazirgi kezde ol tutas bir holdıngtiń jetekshisi. Mundaı tabysqa qalaı jetýge bolatyny týraly L.Lıan óziniń jastar aldynda sóılegen sózinde keńinen baıandap berdi.

Atalǵan shara jastar arasynda ózindik marketıng jáne pıar jasaý strategııalary boıynsha medıa ta­nymaldylyq deńgeıin damytý maq­­satynda ótkizilip otyr. Bul qa­tysý­shylardyń túrli salada tabysqa qol jetkizip, táýelsiz Qazaqstannyń damýyna laıyqty úles qosýdaǵy ımıdjin jasaý jáne jetistikke jetý joldaryn aqparattyq ilgeriletý bo­ıynsha bilim qorlaryn qalyptastyrýǵa yqpal etedi degen úmit bar ekeni týraly uıymdastyrýshylar óz sózderinde atap ótti.