Kezdesý barysynda ekijaqty saýda-ekonomıkalyq jáne ınvestısııalyq yntymaqtastyqty odan ári damytýdyń ózekti máseleleri men perspektıvalary talqylandy.
A. Dankan atap ótkendeı, Qazaqstanda bıznesti júrgizý úshin barlyq múmkindikter bar jáne sheteldik ınvestısııalardy tartý úshin barlyq qajetti jaǵdaılar jasalǵan. Ulybrıtanııanyń Eýropalyq Odaqtan shyǵýy aıasynda A. Dankan Qazaqstan men Ulybrıtanııa arasyndaǵy saýda-ekonomıkalyq qarym-qatynastarda negizgi erejelerdiń sabaqtastyǵy qamtamasyz etiletinine sendirdi.
«Qazaqstan men Ulybrıtanııanyń ekijaqty yntymaqtastyqty arttyrý úshin zor áleýeti bar, ony tıimdi paıdalaný qajet», — dedi QR Premer-Mınıstri A. Mamın.
QR-da brıtandyqtardyń qatysýymen 850-den asa zańdy tulǵa, fılıaldar men ókildikter tirkelgen, olardyń ishinde Royal Dutch Shell, Ernst&Young jáne basqalary bar. Bıznes qurylymdardyń ózara is-qımylyn odan ári ulǵaıtý úshin bıyl qazan aıynda Londonda kezekti qazaqstandyq-brıtandyq ınvestısııalyq forým ótedi, bul shara iri brıtandyq bıznestiń qyzyǵýshylyq tanytqan jańa ókilderin tartýǵa múmkindik beredi.
