Josparǵa sáıkes, bıyl satyp alynatyn on bir jańa amerıkandyq samosvaldyń ekeýi «Batys» jáne «Ortalyq» razrezderiniń tehnologııalyq joldaryna shyqty.
- Bul mashınalar sapasy joǵary ári senimdiligimen erekshelenedi. Eýrazııalyq Toptyń basqa kásiporyndarynda paıdalanǵan jyldar aralyǵynda CAT 777E Qazaqstannyń aıryqsha aýa raıynda jáne jalpy ózin tek qana jaqsy jaǵynan kórsetti, - dedi «Shubarkól kómir» AQ taý-ken óndirisi basqarmasynyń bastyǵy Bolat Jakenov.
Caterpillar 777E samosvaldary arnaıy kóliktiń tehnıkalyq kúıin baqylaýǵa múmkindik beretin, mashınanyń jumysy men ónimdiliginiń barlyq parametrlerin kórsetetin kompıýterlendirilgen borttyq júıemen jabdyqtalǵan. Mashınalar jaqynda satyp alynǵan HITACHI EX-1900 ekskavatorlarymen birge kómir men taý-ken massasyn tasymaldaýǵa jumyldyrylady. Bul óndirý qabiletine qaraı saı tehnıkalardyń ara qatysynda maksımaldy sáıkestikti qamtamasyz etedi.
2019 jyly satyp alynatyn on bir samosvaldyń altaýy tozǵan tehnıkanyń ornyna keledi. Qalǵandary avtopark sanyn kóbeıtip, shubarkóldik kenshilerge 2019 jylda qoıylǵan óndiristik maqsattarǵa jetýge septespek.
2019 jyldyń ınvestısııalyq baǵdarlamasy aıasynda jańartylǵan tehnıkalyq saıasatty iske asyrý úshin 11 dana CAT 777E samosvaldaryn satyp alý kózdelgen. Bul maqsattarǵa jalpy somasy shamamen 4,5 mıllıard teńge ınvestısııa quıylmaq.
