Syrtqy ister mınıstri Beıbit Atamqulov Saýd Arabııasynyń Qazaqstandaǵy Elshisi Dahır Mýtısh ál-Enazıdi, onyń elimizde dıplomatııalyq mıssııasynyń aıaqtalýyna oraı qabyldady.
Kezdesý barysynda taraptar saıası, saýda-ekonomıkalyq, mádenı-gýmanıtarlyq salalardaǵy qazaqstan-saýd yntymaqtastyǵynyń qazirgi jaǵdaıy men perspektıvalaryn talqylady.
Nur-Sultan men Er-Rııad arasyndaǵy qarym-qatynastar týraly aıtý barysynda suhbattasýshylar búgin eki memleket basshylarynyń ózara túsinistik pen dostyqqa negizdelgen tıimdi jumysynyń arqasynda túrli salalardaǵy yntymaqtastyqtyń joǵary nátıjelerine qol jetkizgenin atap ótti.
Syrtqy saıası vedomstvosynyń basshysy saýd dıplomaty Qazaqstanda qyzmet etken jyldarda ekijaqty baılanystardy nyǵaıtý boıynsha jemisti jumys júrgizgenin atap ótti.
Mınıstr Saýd Arabııasyna qazaqstandyq bastamalardy qoldaǵany úshin rızashylyǵyn bildirip, ekijaqty negizde jáne halyqaralyq deńgeıde turaqty kezdesýler men konsýltasııalar arqyly yntymaqtastyqty odan ári nyǵaıtýǵa nıetin bildirdi.
D.M. ál-Enazı Qazaqstanda jumys isteýi oǵan qurmet bolǵanyn bildirip, QR Tuńǵysh Prezıdenti – Elbasy Nursultan Nazarbaevtyń táýelsiz Qazaqstannyń qalyptasýyna, eldiń halyqaralyq arenada bedelin nyǵaıtýyna jáne Qazaqsten men Saýd Arabııasy arasynda tyǵyz jáne senimdi qarym-qatynastardyń ornatýyna zor úlesin atap ótti.
