Saılaý • 18 Sáýir, 2019

Saıası naýqanǵa bir kisideı atsalysady

Qazaqstan Prezıdenti Qasym-Jomart Toqaevtyń el azamattaryna 2019 jylǵy 9 maýsymda merziminen buryn Prezıdent saılaýyn ótkizý týraly Úndeýiniń negizgi erejelerin talqylaý maqsatynda Astana qalasy Sýretshiler odaǵynda dóńgelek ústel ótti.

Aıa О́MIRTAI

Jıynǵa Astana qalasy Sýretshiler odaǵynyń basqarma tóraǵasy J.Músápir, «Astana qalasynyń jas sýretshiler birlestigi» basqarmasynyń tóraǵasy J.Orazaly, sondaı-aq S.Mahanbetov, T.Batanov, V.Pırojkov, B.Álibaı, Ý.Ismaılov, A.Syrǵabaev, N.Kákimova syndy odaqtyń ózge de qyzmetkerleri men músheleri qatysty.

Talqylaý barysynda dóńgelek ústelge qatysýshylar aldaǵy saılaýǵa qatysty birqatar máselelerdi qozǵap, Prezıdent Q.Toqaevtyń el azamattaryna Qazaqstan Prezıdentiniń merziminen buryn saılaýyn ótkizý týraly bastamasyna biraýyzdan qoldaý bildirdi. О́ıtkeni, olar osy taǵdyrsheshti másele boıynsha óz ustanymyn bildirýdi azamattyq borysh dep biledi.

– Qazaqstannyń ár azamaty óz tańdaýyn durys jasaýy qajet. Osy rette jańa damý kezeńinde elimizdiń strategııalyq baǵytynan aýytqymaı, jahandyq jańǵyrý boıynsha óz jolyn jalǵastyrýy úshin el Prezıdenti Q.Toqaevqa qoldaý kórsetýi qajet. О́ıtkeni elimizdiń bolashaǵy, odan ári damýy men halqymyzdyń ál-aýqaty osyǵan baılanysty. Bul óz kezeginde elimizdiń árbir azamatynyń ortaq jáne basty basymdyǵy, – dep atap ótti Astana qalasy Sýretshiler odaǵynyń basqarma tóraǵasy, sýretshi-keskindemeshi Januzaq Músápir. Al Qazaqstan Sýretshiler odaǵynyń múshesi Seısenhan Mahanbetov halyq jańa ózgeristerdi kútip otyrǵanyn aıtady. Onyń pikirinshe, tarıhı-saıası sheshimniń mundaı kórinisi ornyqqan turaqtylyq pen beıbit ómirdiń aıqyn dáleli.

– Qazaqstannyń ishki jáne syrtqy saıasatynyń barlyq saıası jáne ekonomıkalyq úderisterin eskere otyryp, qazir elimiz ben el azamattary damý jolynyń jańa kezeńinde tur. Biz Qazaqstannyń jańa Prezıdentin saılaýǵa qatysamyz. Halqymyz árqashan óz eliniń táýelsizdigi men turaqtylyǵyna qatysty máselelerdi beıbit jolmen sheshe bilýimen erekshelengeni belgili. Bul prosess áli de jalǵasýda dep oılaımyn. Tuńǵysh Prezıdentimiz – Elbasy N.Nazarbaev basshylyq etken tusta orasan qyzmetter atqaryldy. Eldi odan ári damytý jáne halyqtyń ómir súrý sapasyn jaqsartý úshin jańa baǵyttar men jańa ózgerister qajet. Halyq eldegi jańa ózgeristerdi kútýde, – deıdi sýretshi, Qazaqstan Sýretshiler akademııasynyń akademıgi, Qazaqstannyń eńbek sińirgen qaıratkeri Seısenhan Mahanbetov.

Otyrys qorytyndysy boıynsha, dóńgelek ústelge qatysýshylar álemdik jaǵdaıdyń shıelenisýi men basqa da birqatar máseleler jaǵdaıynda Qazaqstan Prezıdentiniń merziminen buryn saılaýyn ótkizý Elbasy N.Nazarbaev qurǵan barlyq memlekettik baǵdarlamalardy tıimdi júzege asyrý úshin, sondaı-aq aýqymdy ózgerister jolynda baǵyt ustaýǵa múmkindik beretinin atap ótti.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz