Sharaǵa Elbasy kitaphanasynyń dırektory Á.Rahymjanov, S.Seıfýllın atyndaǵy QazATÝ rektory A.Kúrishbaev, oqytýshylar men stýdentter qatysty.
Saltanatty is-shara shymyldyǵy Qazaqstan Respýblıkasy Memlekettik kúzet qyzmeti Prezıdenttik orkestriniń áskerı defılesimen bastaldy. Sondaı-aq Elbasy jeke arhıviniń qujattarynan jasaqtalǵan «Qazaqstandaǵy prezıdenttik ınstıtýttyń qurylý jáne damý tarıhy» kórmesiniń ashylýymen jalǵasty. Kórmeni ashqan Elbasy kitaphanasynyń dırektory, saıası ǵylymdar doktory, professor Ámirhan Rahymjanov: – Táýelsizdik jyldarynda memleket ómirinde oryn alǵan tarıhı oqıǵalardy eskere otyryp, halyqtyń úmiti aqtaldy deýge tolyq negiz bar. Qazaqstan qarqyndy damyp kele jatqan elderdiń qataryna qosylyp, jańasha oılaý men tyń kózqarastyń úlgisine aınaldy. Osy tusta Elbasymyz tańdaǵan prezıdenttik ınstıtýt qoǵam birligin nyǵaıtyp, memleket egemendigin kúsheıtti. Munyń bári Qazaqstannyń álem aldyndaǵy abyroıyn asqaqtatty, – dedi.
Ýnıversıtet basshysy A.Kúrishbaev kóshpeli ekskýrsııanyń mańyzdylyǵyna toqtalyp, shara uıymdastyrýshylaryna alǵys bildirdi. «Elbasymyzdyń qaıratkerlik jolyndaǵy barlyq mańyzdy qujattary toptastyrylǵan bul kórmeniń orny erekshe. Igi sharanyń bizdiń oqý ordamyzdyń qabyrǵasynda ótip jatqandyǵy kóńil qýantady. О́skeleń urpaqqa úlken tálim, taǵylym, jiger beretini anyq», dep túıindedi Aqylbek Qajyǵululy.
Qazaqstan Respýblıkasy Tuńǵysh Prezıdenti – Elbasy kitaphanasynyń «Tuńǵysh» kóshpeli ekskýrsııalyq jobasy Elbasynyń jasampaz ıdeıalary men bastamalaryn, kitaphananyń biregeı qorlaryn nasıhattap, kelýshilerdi N.Á.Nazarbaevtyń ómir jolymen jáne qyzmetimen tanystyrady.
Stýdentter nazaryna Qazaqstan Respýblıkasynyń Tuńǵysh Prezıdenti – Elbasynyń tarıhı jolyn ashatyn sırek kadrlar, fotosýretter men muraǵattyq qujattar jıyntyǵy usynyldy. Sonymen qatar HH ǵasyrdyń 60-70-jyldaryndaǵy qujattarmen, N.Á.Nazarbaevqa otandyq jáne sheteldik sportshylar tartý etken syılyqtar toptamasymen tanysty.
