Búgin Palata Spıkeri Nurlan Nyǵmatýlınniń tóraǵalyǵymen Májilis Bıýrosy ótip, onda aldaǵy jalpy otyrystyń kún tártibi naqtylandy.
Depýtattar qaraýyna «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasy birinshi oqylymda usynyldy.
Bul zań jobasy ákimdik-delıktik zańnamasyn odan ári jetildirýge, sondaı-aq Ákimshilik quqyq buzýshylyqtar týraly kodeksti izgilendirýge jáne repressıvtiligin tómendetýge baǵyttalǵan. Sondaı-aq, ákimshilik quqyq buzýshylyqtar týraly ister boıynsha óndiristi elektrondyq formatqa kezeń-kezeńmen aýdarý kózdelgen.
Sonymen qatar, Palatanyń aldaǵy jalpy otyrysynyń kún tártibine «1992 jylǵy 15 mamyrdaǵy Ujymdyq qaýipsizdik týraly shartqa qatysýshy memleketter arasyndaǵy Áskerı-tehnıkalyq yntymaqtastyqtyń negizgi prınsıpteri týraly kelisimge ózgerister engizý týraly tórtinshi hattamany ratıfıkasııalaý týraly» zań jobasy engiziledi.
