«Dala folklorynyń antologııasy» aýdıojınaǵy 1000 danamen jaryqqa shyǵyp, ulttyq jáne respýblıkalyq kitaphanalar men joǵarǵy oqý oryndaryna, óner mektepterine taratylady.
«Aýdıojınaqty shyǵarý úshin arnaıy top qurylyp, «Altyn qorymyzda» saqtalǵan rýhanı jádigerler boıynsha jınaq ázirleýge kirisken bolatyn. Antologııa-eńbektegen baladan, eńkeıgen qarııaǵa deıingi aýdıtorııany qamtıdy. О́ıtkeni jınaq 7 bólimnen turady. Ertegi, batyrlar jyry, ánder, kúıler, aıtys, salt-dástúr, atadan qalǵan asyl sóz atty bólimnen kez-kelgen adam ózine rýhanı azyq alady», - dedi «Qazaq radiolary» JShS-niń dırektory Qurmanbek Jumaǵalı.
Qazaq radıosynyń «Altyn qorynda» 1959 jyldan beri «Ertegi» aıdarymen 350 habar daıyndalǵan, sonyń ishindegi 70 qazaq ertegisi «Ertegi» aıdarymen jınaqqa endi.
Al batyrlar jyrynyń 50 nusqasy 2015 jyly termeshi Aqan Ábdýáliniń uıymdastyrýymen elimizdiń belgili jyrshylarynyń oryndaýynda qaıta úntaspaǵa jazyldy. Sonyń bári «Dala folklorynyń antologııasy» jınaǵyna toptastyryldy. «Batyrlar jyry» aıdarymen 19 jyr jáne «Kúı» aıdarymen 160 kúı endi. Aıtysqa kelsek, 1960 jyldan saqtalǵan sapasy joǵary degen 10 aıtys iriktelip alyndy. Sondaı-aq, 76 dástúr túri osy antalogııada jınaqtaldy.
Sonymen qatar, qazaq aýyz ádebıetiniń ozyq úlgileri toptastyrylǵan jınaqtyń kópshilikke qoljetimdiligin arttyrý maqsatynda onyń arnaıy saıty men mobıldi qosymshasyn ázirleý de qolǵa alynyp otyr.
«Bul saıtta antologııamen qatar, «Tulǵalar», «Oqıǵalar», «Kerek derek», «Balalar álemi» syndy bólimder de oryn alady. Ol únemi paıdaly kontentpen jańartylyp turady», - dep atap ótti Qurmanbek Jumaǵalı.
Aıta ketsek, mamyr aıynyń 16-18 kúnderi aralyǵynda Túrkistan qalasyndaǵy Q.A. Iаsaýı atyndaǵy Halyqaralyq Qazaq-túrik ýnıversıtetinde halyqaralyq konferensııa ótedi. Onyń aıasynda sheteldik etnograf ǵalymdarǵa «Dala folklorynyń antologııasy» tanystyrylady.
