Sankt-Peterborda Vortex Sport Battle búkilreseılik kásipqoı týrnır ótti. Onda AOSK-nyń sportshysy Sergeı Syrýlnıkov jeńimpaz atandy. Sport túrlerinde myqty atletshiler, chempıondar men rekordshylar, sondaı-aq tanymal sporttyq beıneblogerler ámbebap arenada kúsh pen tózimdilik turǵysynan bir-birimen baq synasty. Týrnırdiń 7-shi maýsymy aıasynda armııalyq sportshy Reseıdiń eń myqty adamy ıaroslavldik batyr, Reseı Fedearsııasynyń tórt kúshtik rekordynyń ıegeri Mıhaıl Savınmen saıysqa tústi.
«Vortex Sport halyqaralyq jobasy sporttyń kúshtik túrlerin tanymal etý, jappaı jáne jeke sporttyq saıystardy ótkizý, joǵary sapadaǵy vıdeo shyǵarý, sporttyq ónimderdiń jelisin daıyndaý úshin qurylǵan», - dedi AOSK-nyń sportshysy.
Esterińizge sala ketsek, Sergeı Syrýlnıkov álemniń, Gınnes rekordtar kitabynyń 4 dúrkin rekordshysy jáne Qazaqstannyń 5 dúrkin rekordshysy, voleıbol men paýerlıftıngten sport sheberi, gir sportynan sport sheberligine kandıdat, birqatar qaýipti, kúrdeli trıýktar (tórt jylqyny ustap turyp, 148 tonnaly vagony bar teplovozdy birneshe metrge súıregen) jáne ózge de kóztartar nómirlerdiń oryndaýshysy. Aqmola oblysy, Shortandy aýdanynyń týmasy, Qajymuqan men Balýan Sholaq atty qazaq balýandarynyń dástúrin jalǵastyrýshy.
