Is-sharaǵa О́zbekstan Respýblıkasynyń Qazaqstandaǵy Tótenshe jáne О́kiletti Elshisi Saıdıkrom Parahatovıch Nııazhodjaev, QR Parlamenti Májilisiniń depýtaty Saýytbek Ábdirahmanov, naýaıtanýshy, belgili jazýshy jáne aqyn, О́zbekstan Jazýshylar odaǵynyń múshesi, qoǵam qaıratkeri, fılosofııa ǵylymynyń doktory, professor Muhamedálı Álı Ahmedov, Álisher Naýaı shyǵarmalaryn qazaq tiline aýdarǵan Memlekettik syılyqtyń laýreaty, Qazaqstannyń eńbek sińirgen qaıratkeri, belgili aqyn jáne jazýshy Nesipbek Aıtuly, «Shyǵys juldyzy – Naýaı» mánerlep oqý baıqaýynyń qatysýshylary jáne basqalar qatysty.
QHA Tóraǵasynyń orynbasary – Qazaqstan Respýblıkasy Ákimshiligi Qazaqstan halqy Assambleıasy hatshylyǵynyń meńgerýshisi Janseıit Túımebaev óz sózinde shyǵystan shyqqan biregeı tulǵalardy aıtqanda Hafız, Fırdoýsı, Rýdakı, Nızamı, Omar Haııam, Saǵdı, Jalaladdın Rýmı, Nasır Hýsraý, Jámımen qatar Naýaıdyń esimi de maqtanyshpen eske alynatynyna toqtaldy. Sondaı-aq, hakim Abaı biregeı tulǵanyń shyǵarmashylyq zerthanasyna tereń úńilse, Muhtar Áýezov, Esmaǵambet Ysmaıylov, Rahmanqul Berdibaev sııaqty úlken ǵalymdar mol murasynyń keń tanylýyna eleýli úles qosqanyn atap ótti. Aqyn Nesipbek Aıtuly Álisher Naýaıdyń ǵazaldaryn qazaq tiline tárjimalap, jeke jınaq shyǵarǵanyn, QazUÝ shyǵystaný fakýltetinde qyzmet etken jyldary professor О́tegen Kúmisbaev Naýaı ǵazaldary men Abaı shyǵarmashylyǵynyń sabaqtastyǵyn zerttep, birneshe ǵylymı eńbekter jazǵanyn eske saldy. Al Almatydaǵy eń ásem kóshelerdiń birine Naýaıdiń esimi berilýi kórshiles jatqan eki el qarym-qatynasyn jaqyndatatyn jaılardyń kóptigin kórsetetinin jetkizdi.
– Qazaqstan men О́zbekstandy baǵzy zamandardan bergi dostyq qatynastar baılanystyrady. Biz – tarıhymyz ortaq, tilimiz týys, tatý kórshilik saltyn ustanǵan baýyrlas eldermiz. Osy erekshelikterimizdi negizge ala otyryp, eki memleket basshylary 2018 jyly Qazaqstandaǵy О́zbekstan jylyn jáne 2019 jyly О́zbekstandaǵy Qazaqstan jylyn ótkizý týraly sheshim qabyldaǵan bolatyn.
О́tken jyly – О́zbekstannyń Qazaqstandaǵy jyly aıasynda Qazaqstan halqy Assambleıasy tarapynan 200-den astam is-shara ótkizilgenin atap aıtqym keledi. Olardyń eki halyqty burynǵydan beter jaqyndata túskeni, eki el arasyndaǵy mádenı-gýmanıtarlyq qatynastardy damytýdyń mańyzdy faktoryna aınalǵany aqıqat, – dedi Janseıit Qanseıituly.
Álisher Naýaı XIV ǵasyrdyń ortasy men XV ǵasyrdyń basynda ómir súrgen túrki halyqtaryna ortaq uly aqyn, oıshyl, memlekettik qaıratker. Onyń shyǵarmalary 15 ǵasyrdyń ózinde Máýerennahr men Horasanda ǵana emes, Iran, Ázirbaıjan, Shyǵys Túrkistan, Úndistan, Mysyr, túrki elderine, keıinnen Eýropa men Amerıka kitaphanalaryna tarady.
Kesh barysynda Álisher Naýaıdiń ómiri týraly beınerolık kórsetilip, qonaqtar «Analar Amanaty» qolóner sheberleri ortalyǵynyń kórmesin tamashalady. Sondaı-aq, Dostyq úıiniń akt zalynda shyǵarmashylyq ujymdardyń konserttik baǵdarlamasy uıymdastyryldy.
