Tynysty taryltqan tútin
Senbi, 15 qyrkúıek 2012 7:38
О́skemenniń asa kúrdeli ekologııasy jaıly kópten beri aıtylyp keledi. Ras, tústi metallýrgııanyń kásiporyndary qorshaǵan ortany qorǵaýda birshama jumystar tyndyryp jatyr. Alaıda, «alqanyń ekinshi jaǵy bar» degendeı, sońǵy jyldary qaptap ketken avtokólikter de ýly gazdar taratyp, densaýlyqqa zııanyn tıgizýde.
Senbi, 15 qyrkúıek 2012 7:38
О́skemenniń asa kúrdeli ekologııasy jaıly kópten beri aıtylyp keledi. Ras, tústi metallýrgııanyń kásiporyndary qorshaǵan ortany qorǵaýda birshama jumystar tyndyryp jatyr. Alaıda, «alqanyń ekinshi jaǵy bar» degendeı, sońǵy jyldary qaptap ketken avtokólikter de ýly gazdar taratyp, densaýlyqqa zııanyn tıgizýde.
Jaqynda oblys ákiminiń birinshi orynbasary Serik Ábdenovtiń tóraǵalyq etýimen qalalar men aýdandardyń aýasyn lastaýshy avtokólik ıeleri men onyń qojaıyndarynyń qatysýymen úılestirý keńesiniń alǵashqy otyrysy ótti. Jıynda ekolog mamandar men osy salaǵa jaýapty basshylardyń esebi tyńdaldy. Avtokólikterdiń ýly gazdary kásiporyndar murjalarynan shyǵatyn tútinge qaraǵanda qaýipti, tynys joldaryn bitep tastaıdy, deıdi ekolog maman Gennadıı Koreshkov. Kólik tútini jerge jaqyn bolǵandyqtan azot dıoksıdi aýany tez búldiredi. Sondyqtan kólikterden shyǵatyn ýly zattardyń mólsherin azaıtý úshin janar-jaǵarmaı stansalaryndaǵy benzınniń sapasyn anyqtap otyrǵan oryndy.
О́kinishke oraı, qaladaǵy avtobýs parkteriniń deni sapasy nashar arzan janarmaıdy tutynýǵa áýes. Endi olarǵa qarsy qatań shara qoldaný qajet, dedi úılestirý keńesin júrgizip otyrǵan Serik Ábdenov. Demek, sapaǵa kóńil bóletin janarmaı stansalary basshylarymen avtobýs parkteri memorandým jasassa tıimdi bolmaq.
Oblystyq jol polısııasy basqarma bastyǵynyń orynbasary Petr Nıkıforov mynadaı pikir aıtty. Búgingi tańda shyǵysta bes arnaıy jabdyqtalǵan bekette, sonymen birge jyljymaly zerthanada kólikterden shyǵatyn ýly gazdarǵa tekserý júrgiziledi. Jyl basynan beri jol polısııasy qyzmetkerleri 247-bap boıynsha qorshaǵan ortaǵa zııan keltirgenderge qarsy 867 hattama toltyrypty. Alaıda, hattama toltyrǵanmen kólikterdiń tehnıkalyq baıqaýyn ótkizgen fırmalardyń jumysyn da anyqtasa, artyq bolmas edi. Qoryta aıtqanda, budan bylaı ýly gazdy kóp shyǵaratyn kólik ıeleri men avtobýs parkteri qojaıyndary endi janarmaı sapasyna nazar aýdaryp, qorshaǵan ortany qorǵaýǵa kóńil bólmese, túrli aıyppuldar men eskertýlerden qashyp qutyla almaıdy.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.
