ÚSh ELDIŃ QURAMASY KELE JATYR

Astanada 14-19 naýryz kúnderi elimizdiń boks federasııasynyń uıymdastyrýymen bokstan halyqaralyq týrnır ótedi. Oǵan Qazaqstan, Ázirbaıjan, Ýkraına jáne О́zbekstan ulttyq quramalary qatysyp, AIBA erejesi boıynsha 11 salmaq dárejesinde kúsh synasady. Boks federasııasynyń málimetterine qaraǵanda, týrnırge atalǵan elderdiń álem, Eýropa, Azııa chempıonattarynyń chempıondary men júldegerleriniń bári qatysady. Týrnırdiń bas tóreshisi qyzmetin AIBA-nyń halyqaralyq dárejedegi tóreshisi Raqymjan Rysbaev atqarady. Al oǵan qatysatyn boksshylarǵa keler bolsaq, ulttyq qurama sapynda sharshy alańǵa eń jeńil, ıaǵnı 48 kılo salmaqta Birjan Jaqyp, Mıras Jaqypov (51 kg.), Danııar Tólegenov (54 kg.), Dýman Álimov (57 kg.), Aıdar Ámirzaqov (60 kg.), Ádilet Egizekov (64 kg.), Rústem Sybaev (69 kg.), Nurdáýlet Jarmanov (75 kg.), Almat Serimov (81 kg.), Vasılıı Levıt (91 kg.) jáne asa aýyr salmaqta Ivan Dychko shyǵady. Ázirbaıjan quramasynda Elvın Mamıshzade (48 kg.), Nıhad Seıdov (51 kg.), Samır Mammadov (54 kg.), Ilkın Agaev (57 kg.), Elhan Ismaılov (57 kg.), Heıbatýlla Hadjıalıev (60 kg.), Rýslan Gasımov (60 kg.), Sadıg Enýllaev (64 kg.), Emıl Maharramov (69 kg.), Rahıb Baılarov (75 kg.), Ramıl Alıev (81 kg.), Rashad Abdýllaev (91 kg.) jáne asa aýyr salmaqtaǵy eki boksshysy Farıd Pashaev pen Elshın Alızada qolǵap túıistiredi. Ýkraına sapynda Aslan Emır Nebıev (48 kg.), Vıktor Gogolev (51 kg.), Alekseı Hanov (54 kg.), Oleg Malınovskıı (57 kg.), Leonıd Malkov (60 kg.), Vıacheslav Kıslısyn (64 kg.), Aleksandr Streskıı (69 kg.), Artýr Býs (75 kg.), Enver Týktarov (81 kg.), Sergeı Melnık (91 kg.) jáne 91 kılodan joǵary Aleksandr Trıfonov pen Andreı Tomchýk kúsh synasady. О́zbekstan quramasynda týrnırge myna boksshylar qatysady. Eń jeńil salmaqta Álisher Mahmýdov, Shahrıer Isakov (51 kg.), Bınýodbek Mashrapov (54 kg.), Shokrýh Hýdjabekov (57 kg.), Fazlıddın Gaıbnazarov (60 kg.), О́tkirbek Nazırov (64 kg.), Azamat Ergashev (69 kg.), Shýhrat Abdýllaev (75 kg.), Ahror Kýrbanov (81 kg.), Mırzohıdjon Abdýllaev (91 kg.), Sardor Abdýllaev (91 kg-den joǵary). Týrnır 16 ­­- 17 naýryz kúnderi astanalyq sırkte saǵat 17.00-de bastalady. Keshe bet qattalyp jatqanda Irannyń Tegeran qalasynan qýanyshty habar kelip jetti. Munda 3-10 naýryz kúnderi jastar arasynda ótken Azııa chempıonatynda bylǵary qolǵap sheberlerimiz 4 altyn, 1 kúmis jáne 2 qola medaldi ıelenip, jalpy komandalyq esep boıynsha birinshi oryndy jeńip aldy. Bul syndy Nurbol Qaljanov (54 kg.), Erkin Dúısenbaev (57 kg.), Meıirim Nursultanov (64 kg.), Asqar Kópensheev (91 kg.) chempıon atansa, asa aýyr salmaqtaǵy Dáýlet Musabaev kúmis júldeni, al Aslan Esenov (60 kg.) pen Saparbaı Aıdarov (69 kg.) qola medaldi qanaǵat tutty. Básireli básekede otandastarymyzdan keıin qytaı, úndi jáne ıran boksshylary eki-ekiden altyn júlde alsa, bylǵary qolǵap ıeleri 1 altyn medaldi enshiledi. Endi jastarymyz 20 sáýir men 2 mamyr aralyǵynda Bakýde ótetin álem chempıonaty men 14-26 tamyz aralyǵynda Sıngapýrde jalaýyn kóteretin I jastar olımpııalyq oıyndaryna qatysady. Avtory: Dastan KENJALIN.