Búgin – Olımpıada kúni
Senbi, 19 mamyr 2012 7:36
Búgin elimizde Ulttyq olımpıadalyq komıtet, Sport jáne dene tárbıesi isteri jónindegi agenttik, Astana jáne Almaty qalalary men oblys ákimdikteriniń uıymdastyrýymen dástúrli «Olımpıada kúni» ótedi.
«Dúnıejúzilik Olımpıada kúni» – elimizde birneshe jyldan beri ótkizilip kele jatqan sporttyq shara. Astana qalasynda bul is-shara Q.Muńaıtpasov atyndaǵy Ortalyq stadıonda ótkiziledi. Oǵan barlyq jastaǵy azamattar qatysa alady. Osyǵan oraı ártúrli jastaǵy qatysýshylar úshin jeke júgirister uıymdastyrylyp, múmkindikteri shekteýli azamattarǵa arnaıy júldeler úlestiriledi.
Senbi, 19 mamyr 2012 7:36
Búgin elimizde Ulttyq olımpıadalyq komıtet, Sport jáne dene tárbıesi isteri jónindegi agenttik, Astana jáne Almaty qalalary men oblys ákimdikteriniń uıymdastyrýymen dástúrli «Olımpıada kúni» ótedi.
«Dúnıejúzilik Olımpıada kúni» – elimizde birneshe jyldan beri ótkizilip kele jatqan sporttyq shara. Astana qalasynda bul is-shara Q.Muńaıtpasov atyndaǵy Ortalyq stadıonda ótkiziledi. Oǵan barlyq jastaǵy azamattar qatysa alady. Osyǵan oraı ártúrli jastaǵy qatysýshylar úshin jeke júgirister uıymdastyrylyp, múmkindikteri shekteýli azamattarǵa arnaıy júldeler úlestiriledi.
Jarystar saǵat 10.00-de bastalady. Onyń baǵdarlamasynda 5-10 jastaǵy balalar úshin «Olımpıadalyq jarystar» atty taqyrypqa asfalttaǵy sýretterdiń baıqaýy, úlken synyptaǵy oqýshylar men stýdentter úshin «2012 jylǵy Londondaǵy olımpııalyq oıyndar» olımpıadalyq vıktorına, ulttyq sport túrlerinen, drotıkter laqtyrýdan, ústel tennısinen, oıynshyq sadaqtan atý boıynsha jarystar ótkiziledi. Sonymen birge, Parlament depýtattary, Olımpıada chempıondary men BAQ ókilderiniń arasynda 400 metr qashyqtyqqa júgirý jarysyn ótkizý josparlanýda.
Olımpıada kúniniń jeńimpazdary men júldegerleri Ulttyq olımpıadalyq komıtettiń estelik syılyqtarymen, jarystar demeýshileriniń júldelerimen jáne Olımpıada sımvolıkasy bar maıkalarmen marapattalady. Al jaqsy júgirgen árbir qatysýshy Halyqaralyq olımpıadalyq komıtettiń prezıdenti Jake Roggeniń qoltańbasymen Olımpıadalyq kúnge qatysýshynyń sertıfıkatyn alady. Sonymen birge, osy kúni Olımpıadalyq komıtettiń seriktesteri «Coca-cola» jáne «Proctor&Gamble» kompanııalary ózderiniń baǵdarlamalaryn usynyp, qatysýshylarǵa óz ónimderin tegin taratady.
Olımpıada kúnin ótkizýdiń tarıhyna kelsek, ol 1948 jyldyń qańtarynda HOK 42-shi sessııasynda Dúnıejúzilik Olımpıada kúnin jyl saıyn ótkizý týraly qabyldaǵan sheshiminen keıin ótkizilip keledi. Alǵashqy Olımpıada kúni 1948 jyldyń 23 maýsymynda uıymdastyrylypty. Qazaqstanda ózge eldermen salystyrǵanda Olımpıadalyq kún qalyptasqan dástúr boıynsha erterek bastalady.
Dastan KENJALIN,
«Egemen Qazaqstan».
