QAZAQSTAN AZAMATTYǴYN QALAǴANDARDYŃ QUJATTARY QARALDY

Keshe Aqordada Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaevtyń tóraǵalyǵymen Prezıdent janyndaǵy Azamattyq máseleler jónindegi komıssııanyń kezekti májilisi bolyp ótti. О́tken jyly bolǵan Jal­py­ulttyq halyq sanaǵy elimizde 16,5 mıllıonnan asa adam tu­ra­tyndyǵyn kórsetti. Táýelsiz­dik­tiń alǵashqy jyldarynda eli­miz­ge kelip qonystanýshydan góri, tarıhı otandaryna ketýge tilek bildirýshilerdiń sany basym tús­keni belgili. Sol kúnder tarıh qoı­naýyna enip, en­digi jerde elimizge kelý­shi­ler­diń sany jyl­dan jylǵa óspese, kemip jatqan joq. Táýelsizdik al­ǵannan beri shamamen 700 myń­daı adam eli­mizdiń azamat­tyǵyn qabyldaǵan. Azamattyq máseleler jónin­degi komıssııanyń kezekti máji­lisinde Memlekettik hatshy – Syrtqy ister mınıstri Qanat Saýdabaev: “Álemdik qarjylyq-ekonomıkalyq daǵdarystyń sal­da­ryna baılanysty osyndaı qıyn ýaqytta Qazaqstan azamat­tyǵyn alýǵa ár túrli elderden talpynýshy adamdardyń ósýiniń astarynda jalpyulttyq Kósh­bas­shy jáne Qazaqstannyń Tuń­ǵysh Prezıdenti Nursultan Na­zarbaevtyń syndarly strategııa­syna degen senim men adamdar­dyń dál osy jerdi ózderimiz ben balalarymyz  úshin laıyqty ómir súretin orta dep tańdaǵan jú­rek qalaýlary jatyr. Qazaq­stan Respýblıkasynyń azamaty degen joǵary ataq barlyq qu­qyq­tardy berip qana qoımaı, sony­men birge, azamattarǵa bizdiń zańdarymyzdy saq­taýdy, salt-dástúrimizdi, mádenıetimizdi qur­met­teýdi, elimizde beıbitshilik pen kelisimdi qoldaýdy, Otany­myzdyń ári qaraı áleýmettik-ekonomıkalyq jáne qoǵamdyq-saıası damýy jolynda óz úles­terin qosýdy da mindetteıdi”, dep atap ótti. Endigi kezekte jaýapty mem­lekettik organdar olardyń eli­mizge tezirek beıimdelýin qam­ta­masyz etýdi shuǵyl jáne jaýap­kershilikpen sheshýi qajet, dep oıyn túıindedi  Qanat Saýdabaev. Komıssııa otyrysynda 17 myń­nan astam Qazaqstan azamat­tyǵyn alǵysy keletin adamnyń qujattary qaraldy. Aza­mattyq berý týraly Jarlyqqa Elbasy qol qoıǵannan keıin olar  Qazaq eliniń tolyq­qandy azamattary atanbaq. Anar TО́LEÝHANQYZY.