JANDANDYRÝ JAIY SО́Z BOLDY

Senattyń Halyqaralyq qaty­nastar, qorǵanys jáne qaýipsizdik komıtetiniń tóraǵa­sy Qýanysh Sultanovtyń Slo­vakııa Syrtqy ister mınıstrligi saıası seksııasynyń bas dırek­tory Igor Slobod­nıkpen kezdesýinde Qazaqstan men Slovakııa qarym-qatynasyn jan­dandyrý, sondaı-aq parla­ment­aralyq deńgeıdegi ynty­maqtas­tyqty odan ári damytý máseleleri talqylandy. Ekijaqty qatynastardy odan ári belsendilendirýdiń mańyzdy­ly­ǵyn atap óte kelip, Q.Sultanov par­lamentaralyq únqatysýdy odan ári tereń­detýdi jaqtaıtynyn aıtty. Qazaqstannyń EQYU-ǵa tóra­ǵalyq etý baǵdarlamasyna qatysty senator onyń Parla­menttik As­sambleıasy 2010 jy­ly EQYU Sammıtin ótkizý jó­nindegi elimizdiń bastamalaryn júzege asyrýǵa kúsh salýy, on­daǵy negizgi taqyryptar­dyń biri Aýǵanstandaǵy jaǵdaı bolýy tıis ekenin aıtty. Q.Sultanov sondaı-aq ústimizdegi jylǵy mamyr aıynda Almatyda “EQYU-nyń eýrazııalyq ól­shemi” Tran­sazııalyq parla­ment­­shiler jıyny ótetinin habarlady. I.Slobodnık Qazaqstannyń Ortalyq Azııadaǵy jetekshi el­derdiń biri retindegi jetistik­terin joǵary baǵalaı kelip, eki el arasyndaǵy yntymaqtas­tyqty odan ári damytý jaıyn­da aıtty. Dıplomat sondaı-aq ekijaqty qatynas­tardy ny­ǵaıtýdaǵy parla­ment­aralyq baılanystardyń rólin atap ótti, dep habarlady Qazaqstan Respýblıkasy Parlamenti Sena­tynyń baspasóz qyzmeti.