ZAŃ TALAPTARY QAShAN ORYNDALADY?

Elbasynyń 2001 jylǵy 7 aq­pandaǵy Jarlyǵymen bekitilgen Tilderdi qoldaný men damytýdyń 2001-2010 jyldarǵa arnalǵan memlekettik baǵdarlamasyna sáıkes 2010 jyldyń 1 qańtarynan bastap barlyq deńgeıdegi memlekettik organdar is qaǵazdaryn memlekettik tilde júrgizýge kóshti. Degenmen, is júzinde is qaǵazdary burynǵydaı orys tilinde daıyndalady, odan soń aýdarmashynyń kómegimen qazaqshaǵa aýdarylady, abzalynda kerisinshe bolýǵa tıis. Ata Zańy­myzdyń, Tilder týraly Zańnyń osy talaptary qashan oryndalady? Bul ózekti máseleni sheshý úshin ákimshilik reforma baǵdarlamasy aıasynda aýmaqtardan, ıaǵnı aýyl­dyq, aýdandyq, qalalyq, oblystyq memlekettik organdardyń apparat­ta­rynda istep júrgen qazaq tilinde is qaǵazdar daıyndaýdy jaqsy biletin mamandardy mınıstrlikter men vedomstvolardyń apparat­taryna aýystyrý qarastyrylǵan bolatyn. Osy maqsatta respýblı­kalyq bıýdjet esebinen Astanada 1000 oryndyq jataqhana da sa­lyndy. 2010 jylǵa arnalǵan res­pýblıkalyq bıýdjette jataqhanany paıdalaný shyǵyndary úshin qarjy qarastyryldy. Al, osy joba júıeli túrde iske asty ma? Asqan bolsa, ol qandaı nátıje berýde? Qaısy mınıstrlikterdiń appara­tyna, Úkimet Keńsesine qansha qazaq tildi mamandar aýystyryl­dy? Bul joba jalǵasyn taba ma? Qazaqstan Respýblıkasy Mem­lekettik qyzmet isteri jónindegi agenttik tóraǵasynyń buıryǵymen bekitilgen Memlekettik ákimshilik laýazymdarynyń sanattaryna ar­nalǵan úlgilik biliktilik talapta­rynda árbir ákimshilik qyzmetshi óziniń fýnksıonaldyq mindetterin oryndaý úshin qajetti kólemde mem­lekettik tildi bilýge tıis delingen. Ádilet mınıstrliginde tirkeýge alynǵan osy biliktilik talaptary memlekettik organdarda ákimshilik memlekettik qyzmetshilerdi konkýrs arqyly qabyldaýda paıdalanylýda ma? Qandaı ákimshilik laýazymdar memlekettik tildi qandaı kólemde bilýi qajettigi belgilengen be? Ol qalaı anyqtalady? Mine, osy saýaldar tez arada qarastyryp, jedel sheshim qa­byl­daýdy talap etedi. Osy baǵytta jaýapty organ­dar, birinshi kezekte Úkimet shuǵyl jumystar júrgizýi qajet dep esepteımin. Rozaqul HALMURADOV, Májilis depýtaty.