DÁTI QALAI BARDY EKEN?

Oral qalasynyń irgesindegi “Rechflot” AQ-tyń keme sharýashylyǵy aımaǵyna taıaý orman alqabynda qorlap óltirý belgileri bar belgisiz qyz balanyń máıiti tabyldy. Jalańash jatqan qyz denesinen oǵan jasalǵan qorlyqty birden ańǵarýǵa bolar edi. Sot-medısınalyq saraptama qo­rytyndysy boıynsha qyz bassúıeginiń synyp, jaralanýynan kóz jumǵan. Polısııa qyzmetkerleri qyzdyń qala dámhanalarynyń birinde bolǵan otyrystan shyǵyp, habar-osharsyz ketken 1990 jyly týǵan Dınara ekenin anyqtady. Izdestirý jumystaryn júrgizgen oblystyq ishki ister departamenti jáne Oral qalalyq IIB krımınaldyq polısııasy qyzmetkerleriniń eki apta boıǵy eńbekteriniń arqasynda aıýandyqpen jasalǵan qylmys ashyldy. Oqıǵa bolǵan túni aralaryndaǵy bireýiniń týǵan kúnin “Iаntar” dámhanasynda toılap, kórshi ústelde otyrǵan jigittermen jáne dámhana kúzetshilerimen tóbelesip, sol jerden tańǵy saǵat 4-te mas kúılerinde jańa “qyzyq” izdep “Sabantoı” dámhanasyna attanǵan Jelaev jáne Zashaǵan aýyldarynyń bes turǵyny ustaldy. Bestiktiń “basshysy” – 20 jastaǵy jigit B.“Sabantoı” dámhanasynan shyǵyp kele jatqan Dınarany kóre sala, “bul qyz – qurban!” degen qatal sheshimge keledi. Keıin Gagarın kóshesindegi “Oktan” janar-jaǵarmaı quıý stansasynyń qasynda ketip bara jatqan qyzdy qýyp jetip, boıjetkendi ótip bara jatqan taksıster men olar­dyń jolaýshylarynyń kózinshe soǵa bastaıdy. Qashyp qutyl­ǵysy kelgen esh qaýqarsyz qyz syrtqy kıimsiz qalady. Aqy­rynda Dınarany kólikke súırep mingizip alǵan mas jigitter qala shetindegi orman alqabyna jol tartady. Jolda qyzdan jynystyq qyzmet etýin talap etip, soqqynyń astyna alady. Bes jigittiń bireýi “Sabantoı” dámhanasynyń qasynda qalyp qoıyp, taǵy bireýi joldastarynyń aıýandyq áre­ketterine, qyzǵa kórsetken qorlyqtaryna shydaı almaı, oqıǵa ornynan boı tasalaıdy. Qyzdy zorlaǵysy kelgen buza­qylardyń basshysy basqalarynyń kózin baqyraıtyp qoıyp, tas pen taıaqty qarý qylyp, baıǵus qyzdy óltirip tynady. Qyzdyń ólgenine kózi jetken qanisherler eshteńe bolmaǵandaı úılerine oralyp, jaıbaraqat ómir súre bergen. Alaıda, batysqazaqstandyq polısııa qyzmetkerleri tirnektep jınaǵan aıǵaqty dálelderdiń negizinde qylmysty uıym­das­tyryp, adam óltirgen jigit ustaldy. Qylmysqa birge qatysqan onyń 20 jáne 21 jastaǵy sybaılastary asa aýyr qylmysty búrkemelegeni úshin jaýapkershilikke tartylýda. Fatıholla MAShTAQOV, polısııa polkovnıgi. Batys Qazaqstan oblysy.