Sharany Dúnıejúzilik zııatkerlik menshik uıymy men Avtorlyq quqyqtar jónindegi Beıjiń bıýrosy uıymdastyrdy. Forýmǵa DZMU-ǵa qatysýshy elderdiń, QHR Avtorlyq quqyqtar jónindegi ulttyq ákimshiliginiń, prodıýserlik kompanııalardyń jáne akterlik gıldııalardyń ókilderi qatysty.
Forým barysynda S. Bekturǵanov «Qazaqstan Respýblıkasyndaǵy kıno ındýstrııasynyń jetistikteri jáne onyń quqyqtyq rettelýi» taqyryby boıynsha baıandama jasady. Senator óz sózinde qatysýshylarǵa qazaqstandyq kınematografııa tarıhy, fılmder túsirýdegi sheteldik kompanııalarmen yntymaqtastyq tájirıbesi týraly aıtyp berdi, sondaı-aq elimizdiń «Kınematografııa týraly» jáne «Avtorlyq quqyq jáne sabaqtas quqyqtar týraly» zańdaryn iske asyrýdyń negizgi erejeleri týraly habardar etti.
Senator forým aıasynda sondaı-aq QHR Avtorlyq quqyqtar jónindegi ulttyq ákimshilik departamentiniń bas dırektory Iý Sekımen kezdesti.
Kezdesýde kıno, avtorlyq jáne sabaqtas quqyqtardy qorǵaý salasyndaǵy ekijaqty yntymaqtastyq máseleleri jáne Beıjiń shartyna qosylý máseleleri talqylandy.
Beıjińdegi aýdıovızýaldy oryndaýlar jónindegi shart 2012 jyldyń maýsym aıynda Beıjińde ótken aýdıovızýaldy oryndaýlardy qorǵaý jónindegi dıplomatııalyq konferensııada qabyldanǵan bolatyn. Sandyq tehnologııalardyń jappaı engizilýin eskere otyryp, avtorlyq quqyqty qorǵaý júıesi Beıjiń shartynyń máni bolyp tabylady.
