Naýaı jyry – Nur-Sultan tórinde

Is-sharaǵa О́zbekstan Respýb­lı­ka­synyń Qazaqstandaǵy Tótenshe jáne ókiletti elshisi Saıdı­krom Nııazhodjaev, Parla­ment Májilisiniń depýtaty Saýytbek Abdrahmanov, naýaı­taný­shy, fılosofııa ǵylym­dary­nyń doktory Muhamedálı Álı Ahmedov, Álisher Naýaı shyǵar­malaryn qazaq tiline aýdarǵan Memlekettik syılyqtyń laýreaty, aqyn Nesipbek Aıtuly, «Shyǵys juldyzy – Naýaı» máner­lep oqý baıqaýynyń qaty­sý­shylary qatysty.

QHA Tóraǵasynyń orynbasary-Prezıdent Ákimshiligi Qazaqstan halqy Assambleıasy hatshylyǵynyń meńgerýshisi Janseıit Túımebaev óz sózin­de Shyǵystan shyqqan biregeı tulǵalardy aıtqanda Hafız, Fırdoýsı, Rýdakı, Nızamı, Omar Haııam, Saǵdı, Jalaladdın Rýmı, Nasır Hýsraý, Jámımen qatar Naýaıdyń esimi de maqtanysh­pen eske alynatynyna toqtaldy. Son­daı-aq hakim Abaı biregeı tul­ǵa­nyń shyǵarmashylyq zerthanasyna tereń úńilse, Muhtar Áýezov, Esmaǵambet Ysmaıylov, Rah­man­qul Berdibaev sııaqty úlken ǵalymdar mol murasynyń keń tanylýyna eleýli úles qosqanyn atap ótti.

Parlament Májilisiniń depýtaty Fahrıddın Qarataev bolsa О́zbekstan men Qazaqstan úshin Tóle bı, Áıteke bı baba­lary­myzdyń, Jalańtós bahadúrdiń, Abylaı handardyń muralary eki elge de ortaq ekenin aıtty. «Mysaly, rýhanı qundylyqtary ortaq týysqan eki el úshin de Abylaı han, Júsip Jalańtós ortaq tulǵalar. Osy baǵytta tarıhtyń zerttelmegen tus­tary áli kóp. Týystyq ta­myr­dy nyǵaıtý bizge paryz», de­di depýtat F.Qarataev. Aqyn Nesip­bek Aıtuly Álisher Naýaı­dyń ǵazal­daryn qazaq tiline tár­jima­lap, jeke jınaq shyǵar­ǵanyn, QazUÝ-diń shyǵystaný fa­kýl­­­tetinde qyzmet etken jyl­­dary pro­fessor О́tegen Kú­mis­­baev Naýaı ǵazaldary men Abaı shyǵar­mashylyǵynyń sabaq­­tas­­tyǵyn zerttep, birneshe ǵyly­mı eńbek jazǵanyn eske saldy. Al Alma­ty­daǵy eń ásem kóshe­ler­diń birine Naýaıdiń esimi berilýi kór­shil­es jatqan eki el qa­rym-qaty­nasyn jaqyndatatyn jaı­lar­dyń kóptigin kórsetetinin jetkizdi.

– Qazaqstan men О́zbekstandy baǵzy zamandardan bergi dostyq qatynastar baılanystyrady. Biz – tarıhymyz ortaq, tilimiz týys, tatý kórshilik saltyn ustan­ǵan baýyrlas eldermiz. Osy erekshe­likterimizdi negizge ala otyryp, eki memleket basshylary 2018 jyly О́zbekstannyń Qazaq­standaǵy jylyn jáne 2019 jyly Qazaqstannyń О́zbekstandaǵy jylyn ótkizý týraly sheshim qabyldaǵan bolatyn.

О́tken jyly –Qazaqstannyń О́zbekstandaǵy jyly aıasynda Qazaqstan halqy Assambleıasy tarapynan 200-den astam is-shara ótkizilgenin atap aıtqym keledi. Olardyń eki halyqty burynǵydan beter jaqyndata túskeni, eki el arasyndaǵy mádenı-gýmanıtarlyq qatynastardy damytýdyń mańyzdy faktoryna aınalǵany aqıqat, – dedi Janseıit Qanseıituly.

Álisher Naýaı XIV ǵasyrdyń ortasy men XV ǵasyrdyń basynda ómir súrgen túrki halyq­taryna ortaq uly aqyn, oıshyl, mem­lekettik qaıratker. Onyń shyǵar­ma­lary HV ǵasyrdyń ózinde Máýeren­nahr men Hora­san­da ǵana emes, Iran, Ázerbaı­jan, Shyǵys Túrkistan, Úndis­tan, Mysyr, túrki elderine, keıin­nen Eýropa men Amerıka kita­p­hanalaryna tarady.

Kesh barysynda Álisher Naýaıdiń ómiri týraly beınerolık kórsetilip, qonaqtar «Analar amanaty» qolóner sheberleri ortalyǵynyń kórmesin tamashalady. Sondaı-aq Dostyq úıiniń akt zalynda shyǵarmashylyq ujym­dardyń konserttik baǵdar­lamasy uıymdastyryldy.