Oǵan elimizdiń batys bóligindegi joǵary oqý orynnyń stýdentteri men professor-oqytýshylar quramy jáne Aqtóbe oblystyq jastar saıasaty basqarmasynyń ókilderi qatysty. Eń aldymen osy is-sharanyń basty moderatory, Batys Qazaqstan memlekettik medısına ýnıversıtetiniń aǵa oqytýshysy Bekzat Moldın memlekettiń odan ári damýy satysynda Prezıdent saılaýynyń atqaratyn róli joǵary ekenin atap ótti.
Budan ári ol óziniń buǵan deıingi joǵary oqý oryndaǵy is-tájirıbesinen naqty mysaldar keltire kelip, qaı kezde de stýdentter men jastardyń saılaýǵa degen qyzyǵýshylyǵy men belsendiligi joǵary bolyp kelgenin alǵa tartty. Atap óterlik másele dóńgelek ústelge qatysýshylardyń basym bóligi birinshi kýrs stýdentteri ekendigi de onyń basty ereksheligi deýge bolady. Sonyń ishinde Malıka Orynova men Damır Joldasbaev sekildi birinshi kýrsktyktar memleket taǵdyryna tikeleı áser etetin saılaýǵa tuńǵysh ret qatysqaly otyrǵanyn aıta kelip oǵan syrttaı baqylaýshy bolmaı tikeleı aralasý tól paryzdary ekenin jetkizdi. Olardyń mundaı oıly pikirleri ózge de dóńgelek ústelge qatysshýlar tarapynan qoldaý tapty. Sondaı-aq fılosofııa ǵylymynyń doktory, professor Altaı Taıjanov tıisti zań talaptaryna sáıkes kez kelgen respýblıka azamatynyń Prezıdent saılaýyna qatysyp óz erki men tańdaýyn bildire alýy, ózin tolǵandyrǵan máselelerdi joǵary memlekettik organdarǵa jetkize bilýi memlekettiń demokratııalyq turpatyna sáıkes keledi degen oı qorytty.
Dóńgelek ústel májilisi kezinde ortaǵa: Siz kimge daýys beresiz ? degen saýal tastalyp oǵan ornyqty da tujyrymdy jaýaptar qaıtaryldy. Bul rette árbir saılaýshynyń prezıdenttikke kandıdattardyń saılaýaldy baǵdarlamarmen tanysýyna tolyq múmkindikteri bar. Soǵan sáıkes ár azamat óz tańdaýyn jasaı alady. Árıne mundaı jaǵdaıda basty basymdyq el men halyq múddesin qorǵaı alatyn kandıdattar men tulǵalarǵa beriletini talas týǵyzbaıdy.
M.Ospanov atyndaǵy Aqtóbe memlekettik medısına ýnıversıtetinde uıymdastyrylǵan dóńgelek ústelde aıtylǵan basty tujyrymdardyń biri osyndaı. Saılaýǵa qatysý – árkimniń óz erki, óz konstıtýsııalyq quqyǵy. Muny eshkim Jarlyqpen nemese Dekretpen bekite almaıdy. Qalaı degende de qazirgi kezde qazaqstandyqtardyń eń laıyqty tulǵalarǵa daýys berýi óte mańyzdy bolyp qala beredi degen túıin jasaldy dóńgelek ústel qorytyndysynda.
AQTО́BE
