Azııa birinshiligi Qyrǵyzstan astanasy Bishkekte ótken bolatyn. Maqtaaral aýdanynda týyp-ósken Tólegenniń bul birinshi jeńisi emes. Almaty qalasyndaǵy respýblıkalyq mamandandyrylǵan sport mektebin bitirgen ol 2015 jyldan bastap djıý-djıtsýmen aınalysyp keledi. Elimizdiń birneshe dúrkin chempıony atandy. Sondaı-aq, 2016 jyly erejesiz jekpe-jekten «Alash praıd» dodasynyń jeńimpazy boldy. Al 2018 jyly Panamada ótken djıý-djıtsý boıynsha Álem kýbogynda Tólegen Ataqulov kúmis júldeger atanyp, el abyroıyn asqaqtatty.
Chempıon aýdan turǵyndarymen kezdesýde sportqa kelgen sátterindegi qıyndyqtar men jeńisteri jóninde baıandady. Maqtaaral topyraǵynda dúnıege kelgenin maqtan etetindigin jetkizdi. Jas sportshylardyń suraqtaryna jaýap berip, salaýatty ómir saltyn ustanýǵa shaqyrdy. Al jerlesteri chempıonǵa at mingizip, sporttyq jeńister tiledi. Sondaı-aq, Azııa chempıony aýdan ákimi B.Asanovtyń qabyldaýynda bolyp, jastar tárbıesi, sport salasyn damytý taqyrybynda pikir almasty.
Túrkistan oblysy
