Sharaǵa Qazaqstandaǵy Belarýs Elshisiniń keńesshisi Dmıtrıchkov Iýrıı Anatolevıch, Izraıl Respýblıkasynyń Qazaqstandaǵy Tótenshe jáne О́kiletti Elshisi Lıat Vekselman, Aýǵanstan Islam Respýblıkasynyń Qazaqstandaǵy Elshiligindegi úshinshi keńesshi Menavı Amına, Túrkııa Respýblıkasy Elshiliginiń Bilim berý jónindegi keńesshisi Abdýlmýtalıp Chıtın, Fransýz alıansynyń dırektory Dınara Orazbaeva jáne Fransııadan kelgen arnaıy qonaq Jak Orte, ýnıversıtet ardagerleri, oqytýshylar men stýdentter qatysty.
Ýnıversıtet rektory Aqylbek Qajyǵululy quttyqtaý sózinde ýnıversıtet jetistikteri men halyqaralyq yntymaqtastyǵy týraly qysqasha baıandap, ýnıversıtet ujymy men stýdentterin Naýryz meıramymen quttyqtap, zor densaýlyq, ár shańyraqqa baq-bereke, ıgi bastamalarǵa sáttilik tiledi.
Sondaı-aq A.Q.Kúrishbaev jyl saıyn fakýltetter arasynda ótkiziletin «Armysyń, áz-Naýryz!» baıqaýynyń jeńimpazdaryn marapattady. Baıqaý qorytyndysy boıynsha bas júldeni Veterınarııa jáne mal sharýashylyǵy tehnologııasy fakýlteti enshiledi. I oryn jer resýrstaryn basqarý, sáýlet jáne dızaın fakýltetine buıyrsa, II oryndy agronomııalyq fakýltet ıelendi. III oryndy tehnıkalyq fakýltet pen ekonomıkalyq fakýltet bólisti.
Merekelik konsertte «О́rleý» toby, О́ner jáne shyǵarmashylyq fakýltetiniń «Shabyt» ulttyq aspaptar orkestri, «Aq jelken» stýdenttik teatry, «Shattyq» bı ansambli jáne fakýltet solısteri óner kórsetti.
Merekelik shara barysynda «Uly dalanyń jeti qyry» atty fleshmob, teatrlandyrylǵan qoıylym, ulttyq salt-dástúrden syr shertetin kórinister sahnalandy. Sondaı-aq, «Qazaq kúresi», «Arqan tartý» ulttyq oıyndary oınatyldy. Odan bólek, 2000 adamǵa arnalǵan Naýryz merekesiniń dástúrli asy – Naýryz kóje usynyldy.
