Sorbonna-Qazaqstan Instıtýty jáne Qazaqstandaǵy Fransııa Respýblıkasy Elshiligi, Qazaqstan Respýblıkasy Tuńǵysh Prezıdenti - Elbasy Qory jáne Fransııanyń syrtqy saýda keńesshileri, Fransııa Qazaqstan Saýda-О́nerkásip palatasynyń uıymdastyrýymen ótken halyqaralyq forým jumysyna Abaı atyndaǵy QazUPÝ rektor Takır Balyqbaev, QR Konstıtýsııalyq Keńesiniń tóraǵasy Qaırat Mámı, Qazaqstandaǵy Fransııa Respýblıkasynyń Tótenshe jáne ókiletti Elshisi Fılıpp Martıne, Qazaqstan Respýblıkasy Tuńǵysh Prezıdenti - Elbasy qorynyń atqarýshy dırektorynyń orynbasary Igor Rogov, Fransııa Respýblıkasynyń Bas konsýly Aleksıs Shahtahtınskıı, Qoǵamdyq ómirdiń transparenttigin qamtamasyz etýshi Joǵary organnyń Bas hatshysy Lıza Lamganı (Fransııa), Parıj qalasy prokýrorynyń orynbasary, terrorızmge qarsy kúres salasynyń mamany Beatrıs Brýger (Fransııa), halyqaralyq jáne strategııalyq qatynastar salasyndaǵy sarapshy, Qorǵanys mınıstrliginiń sarapshysy Per Koneza (Fransııa), INALCO prezıdenti Manýel Frank (Fransııa), t.b. qatysty.
Abaı atyndaǵy QazUPÝ Baspasóz qyzmetiniń derekteri boıynsha, forýmnyń ashylýynda rektor Takır Balyqbaev forýmnyń maqsatymen tanystyryp, talqylanatyn taqyryptardyń ózektiligi men ony sheshýdegi basymdyqtardy atap ótti. Pikir almasý alańynda zańnyń jáne qaýipsizdik júıesiniń erejeleri, dıplomatııanyń ulttyq múddelerin ilgeriletý, jańa qaýipsizdik faktory retinde sıfrlandyrý, bilim, densaýlyq jáne qaýipsizdik; ekonomıkalyq, qarjylyq qaýipsizdik jáne jahandaný jaǵdaıyndaǵy bıznes taqyryptaryndaǵy ózekti máseleler talqylandy.
Fransýz Respýblıkasynyń Jahandaný, mádenıet, bilim berý jáne halyqaralyq damý jónindegi bas basqarmasynyń Ýnıversıtet jáne ǵylymı áriptestik (Eýropa, Azııa, Soltústik Amerıka) ortalyǵynyń jetekshisi Martına Rýssel (Fransııa), Fransııa eliniń attashesi Jıl Mamets, sondaı-aq Eýropa Odaǵynan belgili sarapshylar, Qazaqstan jáne Fransııanyń memlekettik organdarynyń basshylary men dıplomatııalyq korpýs ókilderi, Fransııa men Qazaqstan Respýblıkasynyń jetekshi ǵylymı ortalyqtary jáne Fransııanyń tanymal ýnıversıtetteri: Sorbonna ýnıversıteti, Strasbýrg ýnıversıteti, Lotarıngııa ýnıversıteti, Týlýz ýnıversıteti, Pýate ýnıversıteti rektorlary men ǵalymdary, t.b. osy mańyzdy shara aıasynda ózekti máselelermen bólisti.
Forým aıasynda Sorbonna Ýnıversıteti (Parıj 13 Ýnıversıteti) basshylyǵymen «Densaýlyq saqtaý júıesindegi menedjment», «Fıskaldyq quqyq» salasyndaǵy mamandardy daıarlaý boıynsha mańyzdy memorandýmdarǵa qol qoıý rásimi ótti. Is-sharada Abaı atyndaǵy QazUPÝ-dyń Sorbonna-Qazaqstan ınstıtýtynyń úzdik túlekterine INALCO prezıdenti (Sorbonna ýnıversıteti) atynan dıplomdar tabys etildi.
