Inklıýzıvti bilim berý búgingi tańda álem jurtshylyǵynyń nazaryn aýdaryp otyrǵan másele. Bul balalardyń jeke suranystary men erekshelikterine ortanyń, otbasynyń qatysýymen bilim berý úrdisine tolyq qosýdy talap etedi. Bul baǵytta elimizde ınklıýzıvtik bilim berýdi 2020 jylǵa deıin 70% jetkizý josparlaǵan.
Oblystyq partııa fılıaly janyndaǵy partııalyq baqylaý komıssııasy, memlekttik organdar, oblystyq múgedekter qoǵamy jáne salalyq úkimettik emes uıymdar ókilderin qamtyǵan saraptamalyq top jumysynyń maqsat-mindetine oblystyq partııa fılıaly tóraǵasynyń orynbasary Erjan Baıtiles túsinik berdi.
- Jalpy, óńirde ınklıýzıvti bilim berýge beıimdelgen 112-balabaqsha, 148-mektep, 18-kásiptik tehnıkalyq kolledjder bar. Olarda 79 múmkindigi shekteýli balalar men jasóspirimder bilim alyp jatyr. Alaıda, erekshe bilim alý qajettiligi bar balalardyń arnaıy mamandary joq oryndarda bilim alyp, baǵdarlamany ıgerý sapasy tómen bolatyndyǵy anyq. Sondyqtan, baǵdarlamany ıgere almaý saldarynan sońǵy kezderi úıden bilim alatyn oqýshylar sany kóbeıip otyr. Saraptamalyq top jumysynyń negizgi maqsaty atalmysh oryndaryndaǵy kemshilikterdi anyqtap, múmkindigi shektelýi balǵyndarǵa kedergisiz orta qalyptastyrý, olardyń sapaly bilim alýyna jaǵdaı jasaý, qoǵam nazaryn aýdartý, - dedi ol.
Saraptamalyq top, qaladaǵy №5 «Shattyq» balabaqshasy, M.Á.Sýjıkov atyndaǵy № 6 orta mektep pen «Bolashaq» medısına kolledjindegi jumystarmen tanysty.
