Oblys ákimi О́mirzaq Shókeev bastaǵan top eń aldymen aýyl sharýashylyǵy salasyndaǵy ozyq tehnologııalarmen tanysty. Kórmede kópshilikke aýyl sharýashylyǵy ónimderi, asyl tuqymdy tórt túlik maldyń túrleri men zamanaýı tehnıkalar usynyldy. Sondaı-aq, kórmede sharýalarǵa sút qabyldaý beketteriniń jumysy kórsetilip, salmaǵy 1 tonnadan asatyn «Aberdın – angýs» buqalary men asyl tuqymdy qarakól qoılarynyń erekshe túrlerin kórýge múmkindik boldy.
Kórmede zamanaýı tehnıkalarmen jabdyqtalǵan aýyl sharýashylyǵyna arnalǵan arnaıy mashınalar men qural-jabdyqtar kópshilik nazaryna usynyldy. Aýyl sharýashylyǵy tehnıkalarynan álemge tanymal Djon-Dır, Lambordjını, Sampolev syndy traktorlary kórsetildi. Egin sharýashylyǵy boıynsha mıneraldy tyńaıtqyshtar, gerbısıd, pestısıd jáne taǵy basqa preparattar qoıyldy.
Sonymen qatar, kórmege azyq-túlik beldeýin qurýǵa baılanysty jańbyrlatyp jáne tamshylatyp sýarýǵa arnalǵan jylyjaı kesheni jabdyqtaryn shyǵaratyn óndirýshiler qatysty.
Budan ózge, asyl tuqymdy mal túrleriniń (qoı, jylqy, buqa, túıe) kórmesi uıymdastyryldy. Qus jáne balyq ósirýde qoldanylatyn qural-jabdyqtardy óndiretin mekeme mamandary men qurama jem jáne malǵa qajetti túrli dárýmender shyǵaratyn zaýyttardyń, veterınarlyq dári-dármekterdiń barlyq túrin jáne qoldan uryqtandyrý jabdyqtaryn shyǵaratyn óndiris oryndary óz ónimderin tanystyrdy.
