О́ner dodasyna kórshi Reseıdiń birneshe qalalarynan daryndy jastar keldi. Jyldaǵyǵa qaraǵanda qatysýǵa úmit bildirgenderdiń qatary kóp. Baıqaý shymyldyǵyn birinshi bolyp Ekaterınbýrg qalasynyń úkili úmitiTımofeı Bryzgalov ashty. Onyń eshkimge uqsamaıtyn án aıtý máneri kórermenderdi tánti etti. «Búgin «Dacha» dep atalatyn ózimniń tóltýyndymdy oryndadym. Osymen Qyzyljar jerine ekinshi ret kelip otyrmyn»,deıdi ol.
Festıvaldiń bir ereksheligi, kelgen jastaǵy oryndaýshy ózine unaǵan nemese qalamynan týǵan shyǵarmasyn shyrqap, baq synaı alady. Máselen, petropavldyq Alekseı Boıko jurtshylyq nazaryna Fahrtdınovtyń «Mama» atty týyndysyn usynypty.
Uıymdastyrýshylardyń sózine qaraǵanda, baıqaý talanttardy anyqtap qana qoımaı, olardyń oryndaý qabiletin damytýǵa da yqpal etedi.
«Jyl ótken saıyn Halyqaralyq «Glorııa» festıvaline qatysýshylardyń sany artyp kele jatqany qýantady. Aralarynda jas oryndaýshylar az emes», deıdi «Soıýz-Avtor» birlestiginiń jetekshisi Aıda Týrtaeva. Ol ózi qurǵan shyǵarmashylyq ortalyqtyń 30 jyldyǵy qarsańynda osy ispettes án keshin joǵary deńgeıde uıymdastyrýdy josparlap otyr. Birneshe kúnge jalǵasqan halyqaralyq «Glorııa» festıvaliniń úzdikteri 5 atalym boıynsha anyqtalyp, túrli syılyqtarmen marapattalady.
Soltústik Qazaqstan oblysy
