Rýhanııat • 24 Sáýir, 2019

Aqtaýda zııatkerler «Kitap álemdi baǵyndyrady» aksııasyn uıymdastyrdy

1284 ret

kórsetildi

1 mın

oqý úshin

23 sáýir – Dúnıejúzilik avtorlyq quqyq jáne kitap kúninde Aqtaý qalasynda «Kitap álemdi baǵyndyrady» aksııasy aıasynda 800-den astam adam bir-birine kitap syılady. Oblys ortalyǵyndaǵy Nazarbaev Zııatkerlik mektebiniń kitaphanashylarynyń uıymdastyrýymen ótken aksııaǵa mektep oqýshylary, ata-analar jáne muǵalimder qatysty.

Gúlaıym DÁÝITBAI

Aqtaýda zııatkerler «Kitap álemdi baǵyndyrady» aksııasyn uıymdastyrdy

- Shara bıyl úshinshi jyl qatarynan ótkizildi. Qatysýshylardyń qyzyǵýshylyǵy artqanyn ótken jylǵy statıstıkalarmen salystyrý arqyly anyqtaı alamyz.. Alǵashqy jyly 790 adam qatyssa, ótken oqý jylynda 725 qatysýshy boldy. Al bıyl 800-den asa adam qupııa oqyrmanyn izdedi, - deıdi mektep kitaphanashysy Dınara Qaıratbekqyzy.

Aksııaǵa qatysýshy kitaphanashydan nomer alyp, qupııa oqyrmannyń jas ereksheligin anyqtap, keıin oǵan kitap tańdaıdy. Aksııanyń ótkizilý kúninde barlyq qatysýshylar óz nomerlerin ártúrli qyp taǵyp, qupııa kitaptaryn izdeıdi.

- Men búgin Anatolıı Prıstavkınniń «Nochevala týchka zolotaıa» shyǵarmasyn belgisiz oqyrmanyma syılaımyn. Meniń bilýimshe, meniń oqyrmanym mektep oqýshysy. Sondyqtan oǵan qyzyqty bolady degen oıdamyn, - deıdi «230» nómirin sýyrǵan orys tili pániniń muǵalimi Burysh Ýtesınova.