Ulttyq komanda bapkerleriniń bul tańdaýy beker emes. Sebebi, taekvondonyń otany – Ońtústik Koreıa. 1973 jyldan beri uıymdastyrylyp kele jatqan álem chempıonattarynda 280 bas júlde sarapqa salynsa, sonyń 167-sin kárister ıelengen. Sonymen qatar, Olımpııa oıyndarynda da eshbir memlekettiń órenderi olardyń aldyn oraı alǵan joq. Sondyqtan da bizdiń daıan sheberleri ózderiniń oqý-jattyǵý jıynyn Ońtústik Koreıada ótkizýdi qup kórdi.
Al bıylǵy jylǵy álem chempıonaty mamyr aıynyń bel ortasynda Ulybrıtanııanyń Manchester qalasynda ótedi. Bul jarysta Qazaq eli namysyn myna sportshylar qorǵaıdy:
Erler – Samat Temirhan (54 kılo), Eldos Ysqaq (58 kılo), Eldar Birimbaı (63 kılo), Nursultan Mamaev (68 kılo), Qaırat Sarymsaqov (74 kılo), Nurlan Myrzabaev (80 kılo), Smaıyl Dúısebaı (87 kılo) jáne Rýslan Japarov (+87 kılo).
Áıelder – Aınur Lashbaı (46 kılo), Aınur Esbergenova (49 kılo), Farıza Aldońǵarova (53 kılo), Botakóz Qopanova (57 kılo), Fatıma Jaqsybaeva (62 kılo), Aqsáýle Erqasymova (67 kılo), Jansel Denız (73 kılo) jáne Mereke Júnisova (+73 kılo).
