- Bıylǵy maýsymda Parıj, Dýbaı jáne Rabat qalalarynda álem kýboginiń úsh kezeńi aıaqtaldy. Sondaı-aq, Zalsbýrg qalasynda A serııasy kezeńi máresin jetti. Dese de, Rabattaǵy týrnırdiń mańyzdylyǵy joǵary. Osy kezeńnen bastap olımpıadalyq reıtıng upaılary jańa júıemeen eseptelmek. Eger osyǵan deıin sportshylar jıǵan upaıdyń jartysy ǵana paıdaǵa assa, endi barlyq upaı tolyǵymen karateshiniń enshisine jazylmaq. Bul sportshylardyń reıtıngtegi jaǵdaıyn áldeqaıda jaqsartýǵa berilgen úlken múmkindik. Marokkodaǵy týrnırge álemniń 77 memleketinen 700 sportshy qatysty. Olardyń barlyǵy da olımpıada upaıy úshin jantalasqany sózsiz.
Bul synda bizdi karateshiler de ózderin jaqsy qyrynan kórsetti. Birinshi kezekte 60 kelide synǵa túsken Darhan Asadilovke toqtalǵym keledi. Ol byltyrdan beri ózi qatysqan jarystardyń bárinen júldemen oralyp júr. Rabattaǵy Premer-lıga kezeńinde ol ádettegideı kil myqtylarmen bir topqa tústi.
Brazılııalyq Broz, ıtalııalyq Krechenzo, japondyq Sago men túrik Eraı Darhannyń basty qarsylastary sanalady. Premer-lıga kezeńinde Asadilov azýly sportshylardyń bárinen basym tústi. Sondaı-aq, Darhan jyl basynan beri qatarynan úsh altyn ıelendi. Ol Dýbaı, Zalsbýrg jáne Rabatta tuǵyr bıiginen kóringen jalǵyz sportshy.
Osylaısha, Darhan olımpıadalyq reıtıngtegi tórtinshi orynǵa turaqtady.
84 kelidegi Igor Chehmarevtiń júldesi de biz úshin baǵaly. Ol reıtıngte joǵarylaý úshin baryn salýda. Iordanııadaǵy Azııa chempıonatynda, Shanhaıdaǵy týrnırde júldegerler qatarynan kórindi. Al Rabattaǵy qola medal bizdiń sportshynyń reıtıngtegi ornyn nyǵaıtýǵa kómekteseri sózsiz. Ulttyq quramanyń ózge músheleri júldege ilikpese de, birneshe aınalymǵa deıin súringen joq.
Rabattaǵy týrnırge Qazaqstan komandasy uzaq ári tyńǵylyqty túrde daıyndaldy. Almaty oblysyndaǵy UOK bazasynda oqý-jattyǵý jıyndaryn ótkizip, jarys qarsańynda Fransııa quramasymen birlesken daıyndyq kezeńinde boldyq.
Endi mamyr aıyndaǵy olımpıadalyq reıtıngtiń aıtarlyqtaı ózgeriske ushyraıtyny anyq. Marokkodaǵy jarys qorytyndysy sol kezde esepke alynady, deıdi Jastalap Sanaýov.
