- Azııa chempıonaty bizdiń sportshylar úshin oıdaǵydaı aıaqtaldy. 60 kelidegi Ǵusman Qyrǵyzbaev jartylaı fınalda tájirıbeli japon balýanynan jeńildi. Al qola medal úshin kúreste ózbektiń aıtýly sportshysyn jeńip, qurlyq synynan qolamen oralyp otyr.
66 kelide eki birdeı balýanymyzdyń fınalǵa deıin súrinbegeni qýantady. Eldos Jumaqanov mońǵolııalyq qarsylasymen ótken kezdesýde ıyǵyn jaraqattap alǵan soń, fınalǵa shyǵýdan bas tartty. Jaraqatty odan ári ýshyqtyrmaıyq degen sheshimge keldik.
73 kelidegi Serik Aqylbek áli jas balýandardyń biri. Tájirıbe jetispegendikten júldeden qaǵyldy.
81 kelidegi Dıdar Hamza men Rýslan Musaev jartylaı fınalda jeńilip, keıin qola medaldan da kóz jazyp qaldy. Dıdardyń fınalǵa ótpeýine tóreshilerdi nemese basqalardy kinálaýǵa bolmaıdy. Rýslan da, Dıdar da ózderiniń qateliginen medalsiz qaldy.
90 kelidegi Islam bozbaev fınalǵa joldama beretin beldesýde óte tájirıbeli tájik balýanynan jeńildi. Negizi, Islamnyń utatyn orny edi... Degenmen, bul sport. Qola medal úshin kúreste álem chempıonatynyń qola júldegerin jeńdi.
Al 100 kelidegi Aıbek Serikbaev pen asa aýyr salmaqtaǵy Erasyl Qajybaevtar óz deńgeıinde kúresip shyqty.
Bizdiń basty maqsatymyz – Olımpıada oıyndaryna upaı jınaý ekenin bilesizder. Osy maqsat jolyna ári qaraı da eńbek etemiz, deıdi Aıdyn Smaǵulov.
