Aımaqtar • 24 Sáýir, 2019

Shymkentte mýnısıpaldyq avtobýs parkin qurý arqyly jolaýshylar tasymalynyń jaǵdaıyn jaqsartýǵa bolady

667 ret kórsetildi

«Shymkent» ÁKK AQ basqarma tóraǵasy Rashıd Aıýpov Shymkenttegi jolaýshylar tasymalynyń jaǵdaıyn jaqsartý boıynsha óz usynystaryn aıtty.

Basqarma tóraǵasynyń aıtýynsha shahardaǵy jolaýshylar tasymalynyń negizgi máseleleri: Jolaýshylarǵa qyzmet kórsetý sapasynyń tómendigi, tómen mádenıet jáne júrgizýshilerdiń kólikti durys basqarmaýy, avtobýstardyń jolaýshylardy normadan artyq toltyrýy, tasymaldaý qaýipsizdigi, marshrýttar kestesin saqtamaý,  marshrýtqa tek qana chas-pık ýaqtysynda shyǵý, tıimdi emes marshrýttarǵa qyzmet kórsetpeý, elektrondy bıletteý júıesin engizý jáne mýnısıpaldyq avtobýs parkin paıdalanýǵa berý bolyp otyr.

«Elektrondy bıletteý júıesin engizý jáne mýnısıpaldyq avtobýs parkin paıdalanýǵa berý birqatar mańyzdy máselelerdi sheshýge múmkindik beredi. Mysaly, kóleńkeli aınalymnan jol júrý aqysyn shyǵarý, eskirgen qalalyq avtobýstar parkin jańartý, qalalyq jolaýshylar tasymaly qaýipsizdigi men servıs deńgeıin arttyrý, qazirgi zamanǵy avtobýs parkiniń óndiristik ınfraqurylymyn qurý»,  deıdi Rashıd Aıýpov.

Osy keleńsizdikterdiń aldyn-alý úshin «Bolashaq» túlegi áleýmettik saýalnama negizinde jasalǵan 8 túrli joba-josparymen bólisti.

Atap aıtar bolsaq: 1. Mýnısıpaldyq avtobýs parkin qurý – «ShymkentBusLine» JShS 2. PTÁ ınfraqurylymyn salý 3. Sýbsıdııalaý qaǵıdalaryn ázirleý jáne bekitý 4. Ortalyq dıspetcherlik qyzmet 5. Baqylaý-tekserý qyzmeti 6. Paıdalanýshylarǵa qyzmet kórsetý ortalyǵy 7. Servıstik-tehnıkalyq qyzmet 8. Kóliktik emes tólemder qyzmeti

Qazirgi tańda Shymkent qalasynda 27 kólik kompanııasy jolaýshylar tasymalymen aınalysady. Olardyń tek 14-i óz avtobýstary, qalǵany jal alynǵan avtokólikter. Jýyrda qala ákiminiń tapsyrmasy boıynsha shaharǵa qosylǵan eldimekenderge  qoǵamdyq kólikterqatynaı bastady. Endigide №142, 143, 144, 146 baǵyttarynda jolaýshylar kólik kútý azabynan qutylatyn boldy.

Qalalyq jolaýshylar kóligi jáne avtomobıl joldary basqarmasynyń basshysy Qýatjan Jumataevtyń aıtýynsha  №142-shi jolaýshylar avtobýsy Tekesý shaǵynaýdanyna, №143 Badam-2 shaǵynaýdanyna, №144 «Jylanbuzǵan», «Aınatas», «Eltaı», al, №146 avtobýs «Jańatalap», «Kókbulaq», «Altyntóbe» shaǵynaýdanydaryna saǵat 7.00-den 21.00-ge deıin qozǵalys aralyǵy 20-30 mınýttan qatynaıtyn bolady.


Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar