Dana – eń úzdik!

8 ben 12 jas aralyǵyndaǵy daryndylar baı­qaýynyń me­ned­jeri Tolǵanaı Hasen qatań talaptan irkilmeı ótken bal­dyrǵandar ǵana sýperfınalda óner kórsetetinin, odan baǵy janǵany mýzykalyq oqý ornyna arnalǵan bilim grantymen qosa, «Dısneılend» ertegiler eline saıahat jasaý baqytyna ıe bolatynyn jetkizdi.

Aýdandar men eldi mekenderden oblys ortalyǵyndaǵy Oqýshylar saraıyna jınalyp, kastıngke qyzý daıyndyqqa kiriskenderdiń arasynan kıim úlgisi de, án aıtý máneri de ózgeshe bir qyz kózimizge ottaı basyldy. Sóıtsek, ol Petropavl qalasyndaǵy №2 orys mektebiniń oqýshysy bolyp shyqty. «Toǵyz jastamyn, esimim Dana Báskenova» dep qazaqsha amandasty. Ana tilin jatyq biletini qýantty ári bizdiń ótinishimizdi jerge tas­tamastan qazaqsha ándi shyrqaı jóneldi.

Shalǵaıdaǵy Ýálıhanov aýdanynan kelgen Áıgerim Abaı qazaq, orys, aǵylshyn tilderinde úsh án da­ıyndap kelgenin aıtty. Dombyra da tartady eken. Án aıtý ónerin meńgerýge anasy Baǵlan men tehnologııa pá­niniń muǵalimi Gaýhar kóp kó­mektesipti. Aı­maqtyq «Ánshi balapan» konkýrsyna qatysyp, júldeli oryn­dy ıelenipti.

Qazylar alqasynyń mú­sheleri Farıda Nııazova men Álimjan Omarov baǵyn sy­naýǵa kelgen 102 úmitkerge kas­­tıngtiń erejeleri men shart­tary daryndy balalardy anyqtaý jáne qoldaý, shy­ǵarmashylyq áleýetin jú­zege asyrý, qabiletterin odan ári damytýǵa kómektesý eke­­­nin túsindirgennen keıin irik­teý jarysy bastalyp ketti. Sahnaǵa alǵash kóte­ril­genderdiń qatarynda 11 jas­taǵy Aıgúl «Týǵan jer» ánin naqyshyna keltire oryndap, qazylar alqasyn qatty tolqytty. 6 jastaǵy Narǵyz da ápkelerinen qalysa qoıǵan joq. Sóz mánerinen ulttyq balabaqshada tárbıelengeni birden bilinedi. Áńgime arasynda kastıngte qazaqsha ánderdiń molynan qamtylǵanyn aıta ketken jón. Orys qyzy Irına «Maraldymdy» shyrqaǵanda zaldaǵylar siltideı tynyp tyńdady.

Mádenıet jáne sport mı­nıstrligi men Tuńǵysh Pre­zıdent Qorynyń qolda­ýy­men «Jandaný álemi» qory uıym­dastyrǵan óńirlik án baı­qaýy jas talanttardyń shyǵar­mashylyq qabilet-qa­rymyn tanytýǵa jan-jaq­ty múmkindikter berdi. Myna qyzyqty qarańyz! Jarys­tyń shymyldyǵy ashylar qar­sańynda jolyqtyryp, án aı­tý ónerine súısingen Dana Bás­kenova irikteý kezeńiniń je­ńimpazy atandy.

Ol endi Almatyda ótetin aqtyq saıysta oblys namysyn qorǵaıtyn bolady.

Soltústik Qazaqstan oblysy