Áıelder arasynda eń tanymal mamandyqtar – shashtaraz ben tiginshi kýrstary, al erler arasynda - elektrık, dánekerleýshi, kran júrgizýshisi, santehnık.
Eger 2016 jyly baǵdarlama boıynsha 223 adam oqytylsa, 2019 jyly bul kórsetkish 913 adamdy quraıdy. 2018 jyldyń qorytyndysy boıynsha oqyp shyqqandardyń 70% -y nemese 512 adam jumysqa ornalasqan.
«Eger bizdiń úmitkerimizdiń bilimi joq bolsa nemese biliktiligi tómen bolsa, biz oǵan ýaqytsha jumysty nemese onyń suranysqa ıe mamandyqty alýy úshin oqytýdy usynamyz. Oqýdan keıin oǵan jumysqa ornalasýǵa kómektesemiz», – deıdi.
Jumyspen qamtý ortalyǵynyń kásiptik bilim berý bóliminiń basshysy Azamat Baıtasov. Jumyspen qamtý ortalyǵynda jumysy joq retinde tirkeletin elordalyq turǵyn oqytýdan ótý jóninde sheshim qabyldasa, oǵan eńbek naryǵyndaǵy suranysqa ıe 15 mamandyqtyń tizimi usynylady. Tańdalǵan mamandyq boıynsha oqytý oqý ortalyǵynda nemese jumys berýshiniń kásiptik bilim berý mekemesinde bir aıdan úsh aıǵa deıingi merzimdi qamtıdy.
Tájirıbe kórsetkendeı, oqýǵa úsh aı jetkilikti. Oqý kezinde stıpendııa túrinde tólenetin qarjylyq kómek aıyna 16 759 teńgeni quraıdy», – dep túsindirdi ol.
Ol sondaı-aq, toptardaǵy oryndardyń shekteýli ekenin aıtty. Eger tańdalǵan mamandyq boıynsha oryn joq bolsa, onda jumyssyzdarǵa basqa mamandyqty tańdaýǵa nemese olardy rezervke qosý usynylady.
«Oqýdan keıin bizdiń túlekterge memlekettik biliktilik týraly kýálik beriledi. Sodan keıin túlekterdiń jumysqa ornalasý nemese óz isin bastaý múmkindigi bar bolady. Eger ol sońǵy nusqany tańdasa, biz ony memlekettik granttar baǵdarlamasyna qatysýǵa shaqyramyz. Osylaısha, kýrsty oqyp shyqqan adam 100 AEK kóleminde 252,5 myń teńge somasynda grantqa ótinish bere alady. Bul qajetti jabdyqtar men quraldardy satyp alý úshin bastapqy kapıtal», – dedi Baıtasov.
2018 jyldyń qorytyndysy boıynsha oqytýdan ótken 733 adamnyń, 95-i grant alýǵa nıet bildirdi, al 77 adam bıznes josparyn qorǵap shyǵyp, grant aldy.
